rKTs

e-texts navigator

Volume

Page

27a₁ 'gyur ro/ / bgegs rnams kyis bar du gcod par mi 'gyur ro// dkyil 'khor du ma zhugs na tshig tsam yang sbyin par mi bya na/ sngags 'grub pa ltaci spos/ de lta bu'i yon tan dang ldan pa la sngags 'grub pa
27a₂ gsang ba bshad par bya'o/ / rig pa 'dzin pas zhi ba dang rgyas pa dang / mngon spyod dang / dbang du bya ba dang / gsod pa dang / bskrad pa rnams bsgrub pa'i don du gnas yongs su gzung bar bya'o// de la re shig gnas su gyur pa ni ri'i rtse mo
27a₃ dang / shing gcig pa dang / dur khrod dang ring bsrel can gyi mchod rten rnams su bum brtsa ba nag po med par nor bu dang / 'bru dang sman thams cad kyis yongs su bkang la bcom ldan 'das kyi mdun du brgyad rgya bzla'o// oM amr-i
27a₄ te hUM phaT/ 'khrul 'khor gyi gnas su sngags 'dis bzla bar bya'o// de nas sa'i phyogs su bum pa la khro bos bsngags te thams cad la bsang gtor bya'o// chu'i rgyun ma chad pas thams cad la bskor bar bya'o// dug dang
27a₅ khrag dang yungs dkar bsres pas arga'i shing la me sbar la stong phrag brgyad bsregs la 'di skad ces kho bos gnas 'di yongs su bzung ngo zhes brjod par bya'o/ / de nas rig pa 'dzin pa de'i rig pa rnams dang /
27a₆ gzhan yang glags blta ba 'jug pa'i go skabs rnyed par mi 'gyur ro// ji ltar 'dod par sems pa bsgrub par bya'o// cho ga gang bsgrub na de nas rig pa 'dzin pas ba glang gi 'o ma dang / nas dang lo ma dang / slong bza zhing
27a₇ de bzhin gshegs pa la phyogs pas 'buM phrag cig bzla bar bya'o/ / sngags kyi mthar gsol ba gdab par bya ste/ gang gi tshe bcom ldan 'das bdag gis bsgrub pa 'di gdon mi za bar 'grub par 'gyur ba de bdag la
27a₈ bka' stsal du gsol zhes brjod la/ de nas rje btsun sangs rgyas kyi mdun du nag po'i brgyad pa'i nyin mtshan gso sbyong dang ldan pas dgongs ka'i dus su ji ltar nus pas mchod pa bya ste/ ku sha'i chun po'i steng du bsdad

_{iiif viewer powered by OpenSeadragon}

26b - 27b

Texts on this page