| e-texts navigator |
| བོད་ཡིག |
25a1 shing 'bar bas 'khrugs pa thams cad rab tu 'bar ba'i 'od kyi tshogs can phyag bzhi pa/ phyag g.yas par 'od zer chen po'i dkyil 'khor can gyi rdo rje rtse gsum pa'o// gzhan par chu srin gyi gdong gi rnam pa'i
25a2 lcags kyu'i sor mos me tog gi sdong bu ltar 'gugs pa'o/ / g.yon par ltos 'phye chen po bsgyel ba'i zhags pa'o// gnyis pa'i 'og tu son par bgegs rnams dang / lha ma yid rnams dang / klu dang gnod sbyin la sogs pa
25a3 rnams la bsdigs pa'o/ / 'og tu rgya mtsho chen po bri bar bya'o// de'i dbus su ri bi chen po'i steng du padam chen po la bzhugs pa ni bcom ldan 'das so// rgya mtsho chen po de'i nang du lus phyed nub pa'i 'og tu lta ba'i lha ma yin chen
25a4 po brgyad bri bar bya'o/ / bcom ldan 'das kyi steng du 'od kyi dkyil 'khor gyi drung du pad ma'i gdan la bzhugs pa dang / khro ba'i gdan la bzhugs pa steng du phyag brgyang nas khro bo chen po dbugs 'byin par mdzad pa de bzhin
25a5 gshegs pa'i sku 'od dpag tu med pa dang mi bskyod pa dag bri bar bya'o/ / de lta bu'i bris sku yongs su rdzogs pa dang / rig pa 'dzin pa gcig pus mi smra ba 'am grogs bzang po dang bcas te/ ri bo 'am sgra med pa'i phug rnyed pa
25a6 'am/ shang gcig pa'i gnas ji ltar rnyed par lo ma dang / 'bras bu dang 'o ma dang slong ba za zhing sdig pa bshags la bsod nams la rjes su yi rang ba dang chos la dga' bas bris sku rab tu gnas pa bya ste 'bum phrag bcu bzla'o/
25a7 cho ga 'dis hUM zhes brjod pas ri rab kyang phye mar rlog cing rgya mtsho yang skems so// lha'i gnas rnams ltung bar byed do// de lta bus sngon du bsnyen pa byas te/ dpal gyi sgo'i sgor bris sku bzhag la stong phrag cu bzla'o// gang de'i nye bar
25a8 gnas pa rnams der 'ong ngo / / thams cad la bka' sgo bar bya'o// dngul chu dang bcud len dang mig sman dang grub pa'i rdzas la sogs pa ster ro// sgo 'byed par 'gyur ro// sbyin thams cad kyis gos par mi 'gyur ro// sgra med par
iiif viewer powered by OpenSeadragon
Texts on this page
Q403 - 'phags pa rdo rje sa 'og gi rgyud kyi rgyal po zhes bya ba