rKTs

e-texts navigator

Volume

Page

24a₁ du rdo rje bzhag la gso sbyong dang ldan pas thams cad la tsan dan gyi rang bzhin du byas te/ dpal gyi sgor bzhag par bya'o// lo ma dang nas zan dang srong bza zhing 'bum phrag gsum bzla bar bya'o// de nas 'khrul 'khor
24a₂ thams cad ltung bar 'gyur ro/ / de rnams rang nyid 'ongs nas 'jug par byed do// gal te de rnams ma 'ongs na las gzhan yang bshad par bya ste/ yungs dkar skya bo dang dug dang khrag bsres pas stong phrag brgyad bzung la re re la
24a₃ yongs su bzlas te rdo rje la bsnun pas de nas 'ongs te/ lag nas bzung nas 'jug par byed do// skyes bu dpa' bos las su gyur pa gzhan yang dug dang khrag bsres pas stong phrag brgyad bsreg thugs byas pas de nas 'ong bar//
24a₄ 'gyur ro// rdo rje bzung la 'jug par bya'o zhes bcom ldan 'das rdo rje 'dzin pas bka' stsal to// de nas las gzhan yang bshad par bya ste/ lo ma la sogs pa za zhing dus gsum du khrus byas la mi smra ba'i brtul zhugs kyis
24a₅ 'bum phrag gsum bzlas par bya'o/ / de nas rdo rjes bsnun pa'i shing la mthe bo tsam gyi rdo rje cha shas bcu drug pa rtse mo gsum pa byas te tsan dan dmar po'i khri la rdo rje de bzhag par bya'o// me tog dmar po dang dri la sogs pa
24a₆ rnams kyis mchod de/ gtor ma byin la nyin mtshan du gso sbyong dang ldan pas ka ra bi ri'i me tog gis rdo rje la brgyad brgyar bsnun par bya'o// de nas rnam pa gsum 'grub par 'gyur te/ rdo rje la tsi Ti tsi Ti 'byung ba dang / bu gar du
24a₇ ba'i sdong bu 'byung ba dang gzhon nu ma rnams 'ong bar 'gyur ro/ / gang gi tshe zhugs shig ces smra na/ de nas 'jug pa'i dus su nyin mtshan du gso sbyong la gnas pas ltas brtag par bya ste/ gang gi tshe rdo rje la tsi Ti tsi Ti zhes sgrogs
24a₈ na 'phrul 'khor rnams 'byed pa yin no/ / gang gi tshe du ba 'byung bar mthong na de nas 'khrul 'khor thams cad 'jig pa yin no// de nas rang gi khang pa bzhin du 'jug par bya'o// gang 'dod pa'i rdzas des ster bar 'gyur ro// gal te mi

_{iiif viewer powered by OpenSeadragon}

23b - 24b

Texts on this page