| e-texts navigator |
| བོད་ཡིག |
20b1 'gro/ / go cha chen po gyon pa yis// blo dang ldan pas dbang blangs te// ser sna khro dang 'gyod pa dang // phrag dog la sogs dor nas su// rtag tu spro bar 'gyur ba yis// bya ba byas na legs par 'grub// 'di ni bcom ldan rdor
20b2 'dzin gsung / / 'phags pa rdo rjes 'og gi rgyud las dpal gyi sgor drag shul spyod pa'i le'u ste bcu drug pa'o// // de nas mtshan nyid gzhan gyis rim par phye bar gyur pa ni// sngon du 'bum phrag gsum bzlas la//
20b3 de nas bu ga'i sgor lus dri zhim pos 'o ma dang nas zan za zhing 'bum phrag gsum bzla'o// de nas bu ga'i 'khrul 'khor thams cad 'joms par 'gyur ro// de na the tshom med par gyur pa'i yid kyis sgo drung du bsreg zum
20b4 brgya rtsa brgyad byas la 'jug par bya ste rang gi khyim bzhin no/ / lha ma yin gyi dbang po gzhan len gyis bsgrags pa'i gsang ba chen po bcom ldan 'das rdo rje 'dzin pas sems can thams cad kyi phyir sa 'og gi gsang ba
20b5 chen po'i dpal gyi sgo bka' stsal pa/ rdo rje 'khor lo de bzhin du// rtse gsum ku mud pad ma dang // bkra shis dang ni dud nyid dang // chu srin du ni mtshon par bya// rdo rjes gnod sbyin rnams su 'gro// 'khor los srin po rnams 'gro
20b6 ste/ / klu yi khang par rtse gsum gyis// rkang 'og tu ni ku mu das// lam po cher ni pad mas 'gro// bkra shis khyim gyis mdzod khyim dong // chu srin gyis ni bud med khyim// 'phags pa rdo rjes 'og gi rgyud las mtshan nyid kyi le'u
20b7 ste bcu bdun pa'o/ / // de nas rig pa 'dzin pa'i rnal 'byor gyi rim par phye bar gyur pa ni/ mun pa las ni 'das pa na// gang tshe sgron ma'i 'od gsal gde ni 'khrul 'khor gnas shes bya// gnas der tho ldan 'gro
20b8 mi bya/ / 'khrul 'khor gzhom par bya ba'i phyir// rdo rje 'phyar ba sbyar bar bya// rkang pa g.yas pa bteg nas su// g.yon pa'i steng du sbyar bar bya// lte ba'i gnas su khu tshur gyis// gar gyi sbyor bas bskor bar bya// lag pa
iiif viewer powered by OpenSeadragon
Texts on this page
Q403 - 'phags pa rdo rje sa 'og gi rgyud kyi rgyal po zhes bya ba