| e-texts navigator |
| བོད་ཡིག |
34b1 da thams cad kyis brgyan pa/ yan lag thams cad yongs su rdzogs pa sngong bzhin du langs pa 'am/ 'dug pa bsam par bya'o// gzhan yang cho ga ni zla ba'i dkyil 'khor gyi dbus su bcom ldan 'das
34b2 sna tshogs kyi gzugs 'chang ba/ dbu bcu gsum pa/ spyi bo'i mgo bo ljang khu'i rta zhal lo// yang ma zhi ba sangs rgyas shAkya thub pa'i zhal lo// phyag rgya ba'i bcom ldan 'das 'di ni sna tshogs kyi mtshon ma bsdams
34b3 pa'o/ / yang na zhal brgya pa phyag stong pa yang bya'o// kha cig tu rdo rje dkyil mo dkrung gi gnas pa' pa bzhengs pa yang ba'o// tsam pa ka lta bu'i dka sar gyi bcom ldan 'das so// thang sku re kun gyi g.yas phyogs
34b4 kyi bar du sgrub pa po me tog dang / mchod yin gyi sdod dang / bdug spos kyi snod lag pa bzung ba bya'o// de rnams kyi dbu la dbu rgyan du 'ong dpag med pa 'am/ chos kyi rgyal po'i mchod rten bri bar bya'o// 'di ni thab sa'i
34b5 cho ga'o/ / thang sku'i mdun du rtsa ba'i sngags ji lta ba 'dod pa de bkra shing bsam gtam yang byas nas/ mchod pa rnam pa lngas mchod la/ mchod yon snod dang / yongs su gang ba'i bdud rtsi lta bu'i zas dang / sgron ma'i
34b6 zas la byas nas mchod yin byin te/ sngags gang 'dod pa de bzlas pa bas na de la ga'angs pa'i dngos grub du 'gyur ro// gsang ba mo ni sngags 'di nyid// kha cig la yang mi sbyir ro// blo ldan sems can don brtson
34b7 pa'i/ / sems brtan pa la sbyin par bya/ mchod rten las byed nyid la mik+ko ldan 'bad pas sbyin par bya// rang nyid dang ni nor dag gis// bla ma la rtag gus par bya// rdo rje slob dpon rnal 'byor la// mchog tu gyur
34b8 pa'i yon yang dbul/ / gang dang gang ni btang dka' ba// mchog tu gyur par 'dir ni sngags// chung ma sring mo dang yang ni// bu mo dang ni tsha mo dag/ bu mo rgyan kun brgyan par bya// glang chen rta dang shing rta dang / phyugs
iiif viewer powered by OpenSeadragon
Texts on this page
Q376 - 'jig rten dbang phyug gi rtog pa