rKTs

e-texts navigator

Volume

Page

4b₁ pa'i dbyangs kyi ni/ / khro bo 'di ming gshin rje gshed// mtshon cha me lce 'bar bas 'khrugs// drag la mthu rtsal drag ldan pa// de mthong nas ni khro bo gzhan// thams cad kyi ni lag cha shor// de bzhin du ni 'jig rten pa'i// lha
4b₂ rnams lus kyis 'dud par byed/ / gzhan yang thal mo sbyar byas te// skrag nas bstod pa mang po byed// lha rnams mang po ji snyed kun// 'jam dpal khro bo'i gzi brjid kyis// gzir bzhin du ni rab smras pa// bcom ldan
4b₃ bdag cag sangs rgyas dang / / chos dang dge 'dun skyabs mchis kyis// rab tu mi bzad 'jigs pa'i gzugs// gzi brjid 'bar bas phyogs khyab pa// khams gsum 'khrugs par mdzad pa mthong // gang tshe lha dang lha min
4b₄ rnams/ / skrag nas skyabs su dong ba na// de tshe 'jam pa'i dbyangs kyi ni// khro bo slar yang zhi bar 'gyur// gshin rje gshed ces bya ba yi// khro bo chen po zhi ba la// de nas skyabs su dong ba yi// lha rnams kun gyis zhus pa ni//
4b₅ khyod kyi brtson 'grus mchog 'tshal bas// ci lta bur na mnyes par bgyi// ci ltar yang ni dad par 'gyur// bdag cag the tsom chen po mchis// khro bos lha rnams tshig gsan nas// gshin rje gshed kyis bka' stsal pa//
4b₆ lha rnams thams cad khyod nyon cig/ nga ni dus gsum sngon du 'byung // sangs rgyas kun gyi sngon du byung // nga ni dus gsum phyis kyang 'byung // nga ni dus gsum da ltar 'byung // nga ni lnga brgya tha ma'i tshe// nga'i bstan pa 'byung bar
4b₇ byed/ / bstan pa thams cad nub pa'i tshe// nga yi bstan pa 'byung bar byed// las ngan mtshams med byed pa'i tshe// de tshe nga yi bstan pa 'byung // zas ngan lci ba za ba'i tshe// de tshe nga yi bstan pa 'byung // gos ngan dug hrul gyon
4b₈ pa'i tshe/ / de tshe nga yi bstan pa 'byung // nga ni dus gsum 'byung ba'i sku// bstan pa thams cad nub pa'i tshe// de tshe nga yi bstan pa 'byung // ji lta bur ni zhing 'gyur yang // da ni thams cad zhi ba'i sku// ji lta bur ni khros gyur yang //

_{iiif viewer powered by OpenSeadragon}

4a - 5a

Texts on this page