rKTs

e-texts navigator

Volume

Page

42b₁ dka' ba'i las rnams kyang / / yid la gang dang gang 'dod pa// de dag mthar byin myur bar ni// rig sngags 'chang ba byed par 'gyur// ri rnams kyi ni rtse mo dang // gcod rong rnams ni brnyil bar byed// sa yang rab tu 'gas par
42b₂ byed/ / chu dag kyang ni skams par nus// dpung rnams mi g.yo gnod par byed// thag gi char yang 'bebs par byed// stong ngam yang na 'bum yang rung // de ma thag tu gsod par nus// gnod pa dang ni rmongs pa dang // de ma thag tu
42b₃ 'bebs par byed/ / shing rta'am yang na gru dag dang // glang po myos pa gnon par nus// pha rol dpung dag 'khrug par byed// yul phyogs myur du rmongs par nus// khros nas sa yang g.yo bar byed// gling dang nags tshal bsreg par
42b₄ nus/ / de ni gang ba'i mtsho yang skems// skams pa dag kyang 'gengs par nus// sprin yang legs par gnon par nus// char pa dag kyang 'bebs par byed// dus min char yang 'bebs par nus// klu yi bdag po dag kyang 'gugs//
42b₅ de ni nag pos zin pa yang // mthong ba'ang yang na sprin tsam gyis// 'gugs par byed de the tsom med// ser ba dang ni sol ba'i char// de ma thag tu 'bebs par nus// 'bras bu me tog mchog rnams dang // yal ga dag gis brgyan pa'i
42b₆ shing / / bltas pa'am yang na rdo 'bangs pas// glo bur du yang 'gyel bar byed// de ni sbyar ba tsam gyis su// sa yi 'og kyang 'khrug par byed// de bzhin lha dang mi rnams la// gnod pa chen po 'byung bar byed// khro bo'i rgyal po 'di yi ni// /
42b₇ nges par dbang du mi 'gyur ba'i// dngos po 'das deng da ltar dang // phyis 'byung ba dag gang yang med// lha de grub par ma gyur kyang // mthong ba tsam 'am tshig gis kyang // dug dang rims dang gdon rnams sogs// zhi bar byed pa'i
42b₈ mchog tu 'gyur/ / dbang du byed dang dbye ba dang // gsad dang skud par bya ba dang // mig 'phrul ardza bsku ba rnams// bdug dang dris byugs sbyor ba yis// las rnams 'di dag thams cad ni// bzlas pa brgya byas 'grub par byed// sngags pa/

_{iiif viewer powered by OpenSeadragon}

42a - 43a

Texts on this page