| e-texts navigator |
| བོད་ཡིག |
31a1 dngos grub kun sbyin pa'i/ / sgrub pa dag ni bsgrubs zin to// dpa' bo'i brtul zhugs spyod pa yis// de dag la sogs sna tshogs dang // snga ma bzhin du sna tshogs dang // 'bring rnams la sogs bsgrub par bya// khro bo
31a2 mchog gis cho ga 'di/ / las ni gang dag bshad pa rnams// de dag kun la brtul zhugs ni// med par byas na 'bras bu med// phyag rgya gnyis kyi las rnams ni// gang dag 'dir ni bshad pa rnams// brtul zhugs byed ni ma nus na// /
31a3 de ltar khro bo mchog 'di la// sngon bzhin mchod pa byed pa dang // ji skad bshad zin bzlas byas pas// las rnams ci skad bstan pa dang // dngos grub ci skad bstan pa 'thob// rtag tu bde gshegs sems dpa' des// brtul zhugs
31a4 rtag tu mi rung na'ang / / nyin gcig bzhin du bzlas brjod la// sbyor bas 'dod pas don rnams 'thob// de ltar brtul zhugs kyis bsgrubs dang // sgrub pa sna tshogs cho ga 'dir// khro bo mchog gis ci gsungs pa// ma lus par ni
31a5 bshad pa yin/ / 'jam dpal gyi rtsa ba'i cho ga zhib mo khro bo rnam par rgyal ba las khro bo gshin rje gshed kyi rtsa ba'i cho ga zhib mo rim par phye ba ste brgyad pa'o// / de nas cho ga phyi mar ni// ci ltar brtul zhugs med kyang
31a6 rung / / de phyir khro bo bdag nyid kyis// gsungs pa de yi cho ga brjod// sngags ni yi ge bcu bdun no / khro bo zhes ni gang brjod pa// de la thog mar ston bzhin du// ri mo bris la de mdun du// tshul bzhin du ni mchod pa bya//
31a7 mthabs pang na sdug na bkyang // byed du bcug ste de 'og tu// mkhas pas brgyad 'bum bzlas pa bya// de yi mtha' mar dkon mchog ni// gsum po dag la mchod chen bya// de yi 'og tu khro mchog ni// ci sad gsungs bzhin mchod pa bya//
31a8 'on kyang grub ste de yi tshe// 'byung po'i gdon dang dug rnams dang / yid la gang dang gang 'dod pa// de yis bsam pa'i las kyang nus// nam yang dngos grub phran tshegs la// de ni sbyar bar mi bya'o// dug la sogs te gang brjod pa// las
iiif viewer powered by OpenSeadragon
Texts on this page
Q291 - khro bo rnam par rgyal ba'i rtog pa gsang ba'i rgyud