rKTs

e-texts navigator

Volume

Page

237b₁ byang chub sems dpa' sems dpa' chen po 'jig rten dbang phyug dang / de bzhin gshegs pa 'jig rten dbang phyug 'od las ngas bzung ste/ des yi dgas dang bram ze'i drang srong grangs su bgrang ba mang
237b₂ ba dang / res mang ba dgangs zas dang skos kyis tshim par byas te/ de dag thams cad yi dgas kyi 'jig rten nas/ shi 'phos nas lha'i 'jig rten nang du skyes so// kun dga' bo khyod kyis zung la rdo lon gyis shig/
237b₃ na maHsarba ta thA ga tA a ba lo ki te/ oM sa ma b+hA ra sa ma b+hA ra hUM/ kun dga' bo 'dis yi dgas kyi gtor ma la lan bdun bzlas brjod byas nas lag pa brkyang ste sgo drung du sbyin par bya'o// se gol yang brdab rdza
237b₄ bya'o/ / de ltar byas nas byin ma thag tu phyogs bzhi'i yi dgas gang gA'i klung bye ba khrag khrig gi bye ma snyed dag tshim par byas par 'gyur te/ yi dgas re re la yang yul ma ga d+ha'i bre bo bdun bdun byin par 'gyur po
237b₅ de dag zos pa tsam gyis yi dgas kyi 'jig rten nas shi 'phos nas lha rnams kyi nang du skye bar 'gyur ro/ / kun dga' bo khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun mi
237b₆ 'chad par khor zug tu bsnyad par bya'o/ / de ltar byas na bsod nams kyi phung po dang ldan par 'gyur te/ tshe yang ring bar 'gyur ro// de bzhin gshegs pa bye ba phrag 'bum gyi bsod nams kyi phung po dang ldan par
237b₇ 'gyur ro/ / rtag tu mi ma yin pa rgyu ba 'byung po dang / sha za la sogs pa dang / gnod sbyin dang / srin po dang / gdon dang / yi dgas rnams kyis mi mthong bar 'gyur ro// stobs dang / brtson 'grus dang yang ldan par 'gyur
237b₈ ro/ gzugs dang ldan pa dang / gzi brjid dang ldan pa dang / dran pa dang ldan par yang 'gyur ro// bram ze'i drang srod tshim par byed 'dod pa des ni mchod yon dang / dbul bar bya ba snod bkang ba la lan bdun bzlas brjod

_{iiif viewer powered by OpenSeadragon}

237a - 238a

Texts on this page