rKTs

e-texts navigator

Volume

Page

20a₁ bdag gi snying kar gzhag par bya// de bzhin be con phyag rgya yang // shin du drag po'i mtshon cha'i gnas// lag pa g.yas pas bcings nas ni// the bo'i mchod pa 'jug par bya// khro bo chog bshad bzhin byas// 'dod
20a₂ pa thams cad stsol bar mdzad/ / yi dgas pal chen dkyil 'khor dang // gzhan yang rtag par sku gzugs dang // ci srid bstan pa'i ri mo la// yid kyi mchod pa bya bar bsgrags// lha yi me tog dri zhim dang // bil ba'i lo ma
20a₃ bzang po dang / / spos chu dag gi sa la 'am// yang na su gzugs dag la mchod// dgos pa kun gyi don bsgrub pa// sku gzugs mtshan nyid bshad par bya// sngar bsnyen cho ga bzhin byas nas// de nas sku gzugs byed du gzhug/ gser
20a₄ ram yang na dngul yang rung / / de bzhin khar ba 'am zangs la bya// ra gan in tra nI la dang // 'ching bu shel dang rin chen te// rgyal srid 'dod pas gser la bya// longs spyod 'dod pas dngul la bya// nad rnams 'jig phyir khar
20a₅ bas bya/ / zangs ni 'dod pa rab tu ster// dgra rnams gshig phyir ra gan te// rang gi longs spyod 'phel ba'i phyir// in tra nI la dag las bya// mchog dang 'dod pa thams cad ster// mching bu rnam pa sna tshogs pa// nor ster bar
20a₆ ni yongs su bsgrags/ / dri med shel las byas na ni// zhi dang rgyas pa'i mchog rnams te// rin chen las byas ral gri dang // sa 'og lha yi dngos grub ster// thams cad grub par bya ba'i phyir// da ni tshad rnams bshad par bya//
20a₇ gser las sor brgyad tsam byas te// mchod na rgyal srid dpal yang 'thob// longs spyod rtag par 'dod pa yis// dngul las sor bcu'i tshad du bya// khar ba de bzhin nad sel ba// sor grangs bcu drug tshad du bya/
20a₈ sor ni nyi shu tshad dag du// zangs las byas te mchod par bya// ra ga na gi yang zangs bzhin du// sor zangs nyi shu gnyis kyi tshad// in tra nI las byas pa yang // sor grangs bcu drug tshad du bya// mching bu las ni sor brgyad shri/

_{iiif viewer powered by OpenSeadragon}

19b - 20b

Texts on this page