rKTs

e-texts navigator

Volume

Page

190b₁ bgyid pa dang / del bu'i gzungs kyi gsang sngags kyi gzhi nams bshad par gsol// sangs rgyas kyi byin gyis brlabs kyis byin gyis brlab par gsol// gang dag klu thams cad la skul ma 'bas par 'gyur ba dang / lha thams cad
190b₂ rab tu dga' bar 'gyur ba dang / bdud thams cad rnam par 'doms par 'gyur ba dang / sems can thams cad kyi 'jigs pa thams cad 'jig par 'gyur ba dang / gnod
190b₃ pa thams cad zlog par 'gyur ba dang / zhi ba dang / bde legs su 'gyur bar bgyid pa dang / rgyu skar ma rungs par bgyis pa rab tu zhi bar 'gyur ba dang / bcom ldan 'das kyis char ba'i bar chad lnga gsungs pa gang lags pa de
190b₄ dag thams cad sel bar 'gyur ba dang / 'dzam bu'i gling 'dir char ba'i rgyun legs par 'bab par 'gyur ba de lta bu'i gzungs kyi gsang sngags kyi gzhi rnams bcom ldan 'das mchog tu thugs rje dang ldan pa/ sems can
190b₅ thams cad la phan par thugs brtse ba dang ldan pas bshad du gsol/ bcom ldan 'das de bzhin gshegs pa la gsol ba 'tshal lo// de skad ces gsol pa dang / bcom ldan 'das kyis klu'i rgyal po g.yog mtha'
190b₆ yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal po la 'di skad ces bka' stsal to/ / klu'i bdag po khyod sems can thams cad kyi don dang / phan pa dang / bde ba'i phyir de bzhin gshegs pa
190b₇ la gsol ba 'debs pa legs so lags so/ / klu'i bdag po de'i phyir legs par rab tu nyon la yid la zung shig dang / snying rje chen po las byung ba 'brug chen po'i sgra can bgyings pa dpa' bo'i tog ces bya ba'i gzungs
190b₈ sems can thams cad kyi don dang / phan pa dang / bde ba'i phyir sangs rgyas thams cad kyis gsungs pa/ byin gyis brlabs pa/ rjes su yid rang ba bshad par bya ste/ de ni char med pa'i tshe char 'bab par byed/

_{iiif viewer powered by OpenSeadragon}

190a - 191a

Texts on this page