| e-texts navigator |
| བོད་ཡིག |
17a1 bzhugs pa/ / mthu chen sman ni 'di rnams las// gang yang rung ba gcig blangs te// lo ma rlung gis btab par sbyar// de bzhin ba la ka ta dang // gos skrod nag po ldong ros dag/ 'di dag btags
17a2 te phye mar bya/ / mi yi tshil gyis smras nas su// ro langs stong rtsa brgyad du bzlas// nam langs par gyur pa dang // gadrug pa 'khrug par byed ces bya// gang gis bsnams te de dag ni// rang gi phyogs rnams pan
17a3 tshun 'khrug/ gcig la gcig kyang 'thab par 'gyur// yul 'khor dang ni grong khyer dang // dpung la gnod pa bya ba'i phyir// phan tshun bsod par bya ba la// gdug pa 'di ni sbyar bar bya// phan tshun 'thab cing gsod pa dag/
17a4 ci rigs bstan pa 'di yin no// de nas gzhan yang mig 'phrul gyi// cho ga tshul bzhin bshad par bya// dur khrod dag gi thal ba yis// mig 'phrul dngos po 'grub par 'gyur// mi thod bzang por thal ba dang // ri bong dag
17a5 gi khrag blags te/ / yi dgas phal chen dkyil 'khor gyi// ji skad gsungs pa bris pa gzhag/ de yi nang du ro langs la// mchod pa chen po byas nas ni// der yang lho phyogs sgo dag tu// zhugs thab tu ni me bus te// de nas
17a6 thal ba de la ni/ / mar gyis bdugs te sbyin sreg bya// de nas thal ba de la yang // stong rtsa brgyad du bzlas byas te// stong rtsa brgyad po de nyid kyi// nam langs par ni nges par yang // mkhas pas mig 'phrul rtsed mo rnams//
17a7 thal ba des ni byed par 'gyur// me tog dkar la thal ba des// lan re dag tu bslus nas ni// nam mkhar gtor na nges par yang // rdzogs pa'i sangs rgyas ston par 'gyur// thal ba de yis snga ma bzhin// me tog ser po la
17a8 bskus te/ / de bzhin nam mkha' la gtor na// 'dod chags bral ba stong dag dang // nyid kyis gnas bcas sangs rgyas kun// ston par byed de gzhan du min// me tog dkar pos 'jig rten pa'i// lha rnams kun kyang snga ma
iiif viewer powered by OpenSeadragon
Texts on this page
Q291 - khro bo rnam par rgyal ba'i rtog pa gsang ba'i rgyud