| e-texts navigator |
| བོད་ཡིག |
13a1 par byed/ / de nas bdag nyid chen po de'i// 'jigs su rung ba'i gzugs mthong nas// gshin rje gshed po dpa' bo yi// ro langs phyag rgya bstan par bya// de nas gshin rje gshed po ni// yi dgas lus la gnA/
13a2 pa des// ro langs nyid kyi rgya mthong nas// rig pa 'dzin pa de yi ni// sems drod rig nas 'dod pa'i mchog/ sbyin par byed la gdon mi za// khro bo rgyal po slar gshegs nas// mi ro sa la 'gyel bar 'gyur// de yi lus ni de
13a3 nyid kyang / / gser du 'gyur ba gdon mi za// de tshe grogs po rnams dang yang // sems can rnams la ci bder sbyin// bdag nyid chen po dpa' bo yi// sgrub pa bshad pa 'di yin te// sems ni rab tu dpa' bos bya'i// ngan song
13a4 gzhan gyis yod mi bya/ / sems gzhan pa yi sgrub pa pos// khro bo'i rgyal po de bsgrubs na// de ni langs nas myur bar ni// grogs dang bcas pa gsod par 'gyur// ro langs phyag rgya mi shes na// des ni ci ltar drag 'gyur kyang //
13a5 khro bo'i rgyal po de yis ni// sgrub pa po ni bsad par 'gyur// rig 'dzin mchog gis gang dag tu// de bzhin gshegs pa'i dam tshig gis// brgyan cing khro bo bskul ba yis// ro langs phyag rgya bcings pa der// gdon mi za bar
13a6 khro bo ni/ / legs par byin gyis rlob par 'gyur// myur du mchog kyang stsol bar mdzad// 'go bar gyur pa gdon mi za// oM na mo bud d+ha d+harma sa~M g+he b+h+yoHa kro d+he ka ya mAn ta ka ha na ma tha b+hany+dza hU~M be bA bi ra ShA raShA mAn ta thA ga to//
13a7 An+d+ra pa ya ti swA hA// de bzhin gshegs pa'i dam tshig gi bkas brgyan pa// ro langs kyi khro bo'i phyag rgya'i sngags so// ha tar gyur pa'i dkyil 'khor du// ro langs phyag rgya rang sngags dang // ldan na myur du khro bo ni//
13a8 byini gyis rlob par mdzad// dpa' bo ngag gi sbyor bar ni// sngar bsnyen la sogs byed na yang // sgrub pa por ni 'dod pa bzhin// khro bo nges par myur du 'grub// yang na ro langs phyag rgya 'di// skyes bu sems ni mi dpa' bas// /
iiif viewer powered by OpenSeadragon
Texts on this page
Q291 - khro bo rnam par rgyal ba'i rtog pa gsang ba'i rgyud