rKTs

e-texts navigator

Volume

Page

273a₁ to/ / lha'i bu mo bye ba phrag 'bum ni bud med kyi dbang po dang bral nas skyes pa'i dbang po byung ste phyir mi ldog pa nyid la gnas so// de nas bcom ldan 'das la gnod sbyin gyi sde dpon chen po lag na rdo rjes 'di
273a₂ skad ces gsol to/ / bcom ldan 'das gzungs kyi tshig rig sngags kyi rgyal mo 'di ni mthu che ba phan yon che ba legs so// bcom ldan 'das ji ltar slad ma'i tshe slad ma'i dus na sems can rnams la phan pa dang bde bar
273a₃ 'gyur zhing gang gis sems can dmyal ba dang dud 'gro'i skye gnas nas yongs su grol bar 'gyur ba'i sgrub pa'i cho ga bshad du gsol/ / bcom ldan 'das kyis bka' stsal pa// lag na rdo rje gzungs 'di'i phan yon dang
273a₄ sgrub pa'i cho ga 'di nyon cig/ 'di ltar phyi ma'i tshe phyi ma'i dus na rigs kyi bu 'am rigs kyi bu mo 'am/ dge slong ngam dge slong ma 'am/ dge bsnyen nam/ dge bsnyen mas rigs sngags kyi rgyal mo 'di dus gcig tu dran par bya'o/
273a₅ rang srel gyi snying po 'am/ de bzhin gshegs pa'i ring bsrel gyi snying po can gyi mchod rten la bskor ba bya'o// yid bzhin gyi nor bu rin po che 'di gnyis kyang dus gcig tu dran par bya'o// des ni gang gA'i klung gi bye ma snyed khrag
273a₆ khrig phrag 'bum gyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro/ / bsod nams chen po dang ldan par 'gyur ro// mtshams med pa lnga'i las kyi sgrib pa rnams kyang yongs su byang bar 'gyur ro//
273a₇ sems can dmyal ba dang dud 'gro'i sku gnas dang gshin rje'i 'jig rten gyi ngan song rnams las yongs su thar bar 'gyu ro// tshe'i ring por 'gyur ro// sbrul gyi lpags pa brjes pa bzhin du lus bor nas bskal pa mnyam pa'i
273a₈ phyir 'jig rten gyi khams bde ba can du 'gro bar 'gyur ro/ / phyin chad mngal gyi gnas kyi dri mas mi gos par 'gyur ram// gang dang gang du skye ba de dang der brdzus te skye zhing pad ma las skye bar 'gyur ro// tshe rabs thams cad du

_{iiif viewer powered by OpenSeadragon}

272b - 273b

Texts on this page