rKTs

e-texts navigator

Volume

Page

26b₁ yod shes rung yang / / shAkya thub pa'i sku tshe'i tshad// gang gis kyang ni bgrang mi nus// gal te nam mkha'i tshad btsal te// mtha' kun dpag par rung srid kyang // shAkya thub pa'i sku tshe'i tshad// gang gis kyang ni dpag mi nus// me/
26b₂ zhig bskal pa bye bar gnas// mtha' gtugs rtag par brtsis bgrangs kyang // bcom ldan 'das kyi sku tshe'i tshad// yongs su shes par mi 'gyur ro// sems can srog ni mi bcad cing / bza' btud sbyin pa btang ba yi// rgyu ni
26b₃ rnam pa 'di gnyis kyis/ / sku tshe ring po brnyes pa yin// de bas thub pa chen po yi// sku tshe'i tshad ni shes par dka'// bskul ba'i mtha' ni med pa ltar// sku tshe'i tshad kyang de bzhin no// mdzes pa'i tog khyod shes byos la// thetsom
26b₄ som nyi ma skyed cig/ rgyal ba'i sku tshe'i tshad med pas// de yi grangs ni shes mi nus// de nas byang chub sems dpa' mdzes pa'i tog gis de bzhin gshegs pa bzhi po de dag gis bcom ldan 'das shAkya thub pa'i sku tshe'i tshad
26b₅ dpag tu med par bka' stsal pa thos pa dang / bcom ldan 'das de dag la 'di skad ces gsol to// ci'i slad du de bzhin gshegs pa de lta bu'i sku tshe thung bar bstan par mdzad lags/ de nas bcom ldan 'das bzhi po
26b₆ de dag gis byang chub sems dpa' mdzes pa'i tog la bka' stsal pa/ rigs kyi bu bcom ldan 'das shAkya thub pa de snyigs ma lnga'i dus 'jig rten du byung ba na mi rnams tshe lo brgya thub par 'gyur cing rang bzhin dman pa dang /
26b₇ dge ba'i rtsa ba gra zhing chung ba dang / mos pa med par gyur pas sems can de dag las phal cher bdag tu lta ba dang / gang zag tu lta ba dang / sems can dang srog dang / gso ba po dang log par lta ba dang / bdag dang bdag gir lta ba
26b₈ dang / / rtag pa dang chad par lta ba la sogs pa dang / ldan pas sems can mang po de dag dang / mu stegs can mang po de dag la phan gdags shing yang dag pa'i shes pa bskyed nas myur du bla na med pa'i byang chub yongs su rdzogs pa

_{iiif viewer powered by OpenSeadragon}

26a - 27a

Texts on this page