| e-texts navigator |
| བོད་ཡིག |
25b1 shar phyogs kyi mi 'khrugs pa dang / lho phyogs kyi rin chen mtshan dang / nub phyogs kyi tshe dpag med dang / byang phyogs kyi lha'i rnga sgra dbyangs bzhugs par gyur to// de bzhin gshegs pa bzhi po de dag so so
25b2 nas/ gdan de dag la dkyil mo krung bcas te bzhugs nas/ 'od gzer chen po bkye pas rgyal po'i khab kyi grong khyer chen po dang / stong gsum gyi stong chen po'i 'jig rten gyi khams 'di dang / phyogs bcu'i
25b3 sangs rgyas kyi zhing gang ga'i klung gi bye ma dang mnyam pa snyed kyi bar du yang snang bas kun du khyab par mdzad de/ lha'i me tog gi char yang mngon par phab lha'i rol mo'i sil snyan rnams kyang dkrol bar
25b4 gyur te/ de'i tshe 'dzam bu'i gling 'di dang stong gsum gyi stong chen po'i 'jig rten gyi khams 'di na/ sems can ji snyed yod pa dag bcom ldan 'das kyi byin gyi brlabs kyi mthus bde ba mchog dam pa myong
25b5 bar gyur pas phongs pa ci yang med par gyur to/ / lus kyi yan lag ma tshang ba dag ni tshang bar gyur/ long ba dag ni mthong bar gyur/ 'on pa rnams ni thos par gyur/ lkugs pa dag ni smra bar gyur/ glen pa
25b6 dag ni shes rab dang ldan par gyur/ sems 'khrugs pa dag ni sems nyid thob par gyur/ bgo ba med pa dag ni gos dang ldan par 'gyur/ rab tu smad cing bshungs pa dag ni gzhan gyis bkur bar gyur/ dri ma dang bcas
25b7 pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to// de nas byang chub sems dpa' mdzes pa'i tog de bzhin
25b8 gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyor te/ sems rtse gcig tu de bzhin gshegs pa rnams kyi mtshan khyad par du 'phags pa dag la rnam par
iiif viewer powered by OpenSeadragon
Texts on this page
Q174 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo