rKTs

e-texts navigator

Volume

Page

268a₁ 'di la the tshom dang yid gnyis bskyed par mi bya'o// de nas bcom ldan 'das kyis tshig 'di dag gsungs ma thag tu 'khor de dag thams cad dga' zhing ba spu'i khung bu rnams g.yos par gyur to// lha'i me tog u pa la dang /
268a₂ pad ma dang ku mu ta dang / pad ma dkar po dang / man dA ra ba dang / man dA ra ba chen po'i char yang rab tu 'bab bo// lha'i sil snyan rnams kyang sgra 'byin to// 'khor gyi dkyil 'khor de dag thams cad kyi rang rang gi lus las kyang 'od zer byung bar
268a₃ gyur to/ / bcom ldan 'das kyi spyan sngar yang rin po che sna bdun gyi khang pa brtseg ma bkra ga lta na sdug pa shin tu rnam par phye ga nyams dga' ba/ ka ba bzhi zug pa/ sgo bzhi dod pa/ them skas bzhi dang ldan pa/ 'od 'bar ba/ grwa bzhin nor bu rin po
268a₄ che chen po bzhi nyi ma ltar 'bar ba/ nor bu dang rin po che dang / mu tig gi dra ba du ma yungs pa/ dril bu mang pos mdzes par byas pa/ dar gyi ba dan mang pos kun nas brgyan pa/ me tog sna tshogs du ma'i chun pos mdzes par byas pa zhig
268a₅ byung ngo / / pa 'di yang rnam pa drug tu g.yos te/ 'bul ldeg la sgra 'byin cing mtho ba dang dma' bar gyur to// lha'i gnas thams cad kyang 'od kyis snang bar byas te/ lha'i gnas na gnas pa thams cad bsgral to// rgyal po chen
268a₆ po bzhi yang bskul to/ / rig sngags 'chang gi gnas thams cad pas bskul te/ lha'i gnas thams cad kyang 'bar/ kun tu rab tu 'bar zhing me lce gcig tu gyur pa dang / bar chad byed pa'i log 'dren thams cad kyang sngangs
268a₇ skrag ste/ cho des 'debs shing phyogs bcur byer ro// de nas bcom ldan 'das kyi mdzod spunas/ 'od zer rab tu bkye ste/ phyogs bcu'i 'jig rten gyi khams thams cad kun nas snang bar byas shing sangs rgyas kyi zhing thams cad snang bar
268a₈ byas te/ sangs rgyas bcom ldan 'das de rnams bskul nas slar dbu'i gtsug tu nub go de nas sangs rgyas bcom ldan 'das rnams kyis de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la legs so//

_{iiif viewer powered by OpenSeadragon}

267b - 268b

Texts on this page