rKTs

e-texts navigator

Volume

Page

266a₁ su gyur te 'bab po/ / gzungs 'di'i mthus bdud kyi 'khor bcom nas srog chags bye ba btul to// 'di'i mthus sum mdo'i dbusu pad ma 'di byung bar gyur to// lag na rdo rje gzungs 'di med par mngon par rdzogs par byang chub bar/
266a₂ mi nus bdud bye ba pham par ma yin/ nyon mongs pa'i rgya mtsho skems par ma yin te/ chos kyi sgron ma sbar bar mi nus so// lag na rdo rje ngas dka' ba bye ba khrag khrig brgya stong phrag du ma spyad na ji srid ngas gzungs 'di mnyan pa dang / mngon par
266a₃ brtson pas brtson 'grus ma byas kyi bar du ngas sangs rgyas nyid thob par ma nus kyi phyis ngas sangs rgyas nyid thob bo/ / lag na rdo rje gzungs 'di ni mthu che zhing phan yon che ba yin no// lag na rdo rje 'di ni sangs rgyas bcom ldan 'das rnams kyi chos
266a₄ nyid de kho na nyid yang dag par sangs rgyas kyi sku yongs su sgrub pa yin no/ / lag na rdo rje 'di'i ming bzung ba tsam gyis de bzhin gshegs pa thams cad kyi mtshan bzung bar 'gyu ro// brjod cing bzlas pa tsam gyis de bzhin gshegs pa thams
266a₅ cad la mchod pa dang / bsnyen bkur dang / zhabs la phyag byas par 'gyur ro// de nas bcom ldan 'das la byang chub sems dpa' sems dpa' chen po lag na rdo rjes me tog sna tshogs dang / dri dang bdug pa sna tshogs kyis mchod nas/ bcom
266a₆ ldan 'das la lan gsum bskor ba byas te/ bcom ldan 'das kyi zhabs la bdugs nas bcom ldan 'das la 'di skad ces gsol to// bcom ldan 'das mi mjed kyi 'jig rten gyi khams de na yon tan gyi byed par ci 'dra ba dag gda' ba
266a₇ bstan du gsol/ / bcom ldan 'das de bzhin gshegs pa'i sku yang dag pa'i chos kyi gzhi 'di dag las gzhan pa dge ba'i rtsa ba ngan ngon tsam gyis ni sems can rnams kyi tshogs bsags par mi bgyi lags so// de nas bcom ldan
266a₈ 'das kyis gsang ba pa'i bdag po lag na rdo rje la 'di skad ces bka' stsal to/ / lag na rdo rje sems can de dag ni snyom las can/ brtson 'grus dman pa gti mug gis rmongs pa/ 'dod pa'i dregs pas rmongs pa/ yid ches par dka' ba

_{iiif viewer powered by OpenSeadragon}

265b - 266b

Texts on this page