rKTs

e-texts navigator

Volume

Page

261a₁ sum du 'gyur te srog gi slad du yang sdig pa'i las mi bgyid do/ / de lta lags pas dad pa'i rigs kyi bu 'am rigs kyi bu mos de bzhin gshegs pa de la mchod par bgyi'o// de nas tshe dang ldan pa kun dga' bos byang
261a₂ chub sems dpa' skyabs grol la 'di skad ces smras so/ / rigs kyi bu bcom ldan 'das de bzhin gshegs pa sman gyi bla bai dUr+ya'i 'od de la ji ltar mchod par bya/ byang chub sems dpa' skyabs grol gyis smras pa/ btsun pa kun dga'
261a₃ bo gang dag nad chen po las yongs su thar bar 'dod pa de dag gis nad chen po de'i don du nyin bdun mtshan bdun du yan lag brgyad dang ldan pa'i gso sbyong gi sdom pa blang bar bya'o/ / dge slong gi dge 'dun la zas dang skom rnams dang yo byad
261a₄ thams cad kyis ci nus su mchod pa dang rim gro bya'o/ / nyin lan gsum mtshan lan gsum du bcom ldan 'das de bzhin gshegs pa sman gyi bla bai dUr+ya'i 'od de'i mtshan yid la bya'o// mdo 'di la na sa zhibacu rtsa dgu gdon par bya'o// zhag
261a₅ bzhi bcu rtsa dgur mar me bud par bya'o/ / sku gzugs bdun bya'o// sku gzugs re re'i spyan sngar yang mar me bdun bdun gzhag go/ mar me re re'i tshad kyang shing rta'i 'phang lo tsam du byas te/ ci nas kyang zhag bzhi bcu rtsa dgur mar
261a₆ me mi zad par bya'o/ / tshon sna lnga'i ba dan bzhi bcu rtsa dgu las lhag par bya'o// btsun pa kun dga' bo gzhan yang rgyal po rgyal rigs spyi bo nas dbang bskur ba rnams la nad kyis gnod pa'am/ rang gi dmag tshegs sam/ pha rol gyi
261a₇ dmag tshogs kyi gnod pa'am/ rgyu skar gyi gnod pa'am/ gza' zla ba'i gnod pa'am/ gza' nyi ma'i gnod pa'am/ dus ma yin pa'i rlung dang / char gyi gnod pa'am/ than pa'i gnod pa yang rung ste/ gnod pa dang nad 'go ba dang / 'khrug
261a₈ pa zhig nye bar gnas par gyur na rgyal po rgyal rigs spyi bo nas dbang bskur ba des sems can thams cad la byams pa'i sems su bya/ brtson du gzung ba rnams btang bar bya zhing gong du smos pa bzhin du bcom ldan 'das de bzhin

_{iiif viewer powered by OpenSeadragon}

260b - 261b

Texts on this page