rKTs

e-texts navigator

Volume

Page

260b₁ skal pa las lhag par rgya cher yang dag par bshad par 'dod kyang bskal pa zad par 'gyur gyi/ bcom ldan 'das de bzhin gshegs pa sman gyi bla bai dUr+ya'i 'od de'i sngon gyi smon lam gyi khyad par rgyas pa'i mtha' rtogs pa ni mi 'gyur ro// /
260b₂ yang de'i tshe 'khor de'i nang nas byang chub sems dpa' sems dpa' chen po skyabs grol zhes bya ba stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba der
260b₃ logs su thal mo sbyar ba btud nas bcom ldan 'das la 'di skad ces gsol to/ / btsun pa bcom ldan 'das slad ma'i tshe slad ma'i dus na/ sems can bron sna tshogs kyis yongs su gzir te/ yun ring po'i bri nad kyis lus kyi
260b₄ shabs shing bkres pa dang skom pas gre ba dang mchu ni skams/ 'gum pa la ni mngon du phyogs/ mdza' bshes dang nye du dang / snag gi gnyen mtshams du ba rnams kyis ni bskor/ phyogs rnams ni mun par mthong / gshin rje'i mi rnams
260b₅ kyis ni drangs te/ de'i lus 'di na nyal yang rnam par shes pa chos kyi rgyal po gshin rje'i mdun du khrid cing / mi de dang lhan cig skyes pa'i lha slad bzhin 'brang ba gang lags pa des ni des dge ba dang / mi dge ba bgyis pa de thams cad legs
260b₆ par yi ger bris nas chos kyi rgyal po gshin rje la phul ba dang / chos kyi rgyal po gshin rjes de la dris shing brtags nas dge ba'am mi dge ba ji ltar bgyis pa de bzhin du bsgo ba la gang dag nad pa de'i don du bcom ldan 'das de bzhin
260b₇ gshegs pa sman gyi bla bai dUr+ya'i 'od de la skyabs su mchi zhing 'di 'dra ba'i sbyor bas mchod pa bgyi ngan de'i rnam par shes pa slar ldog cing rmi lam rmis pa bzhin du bdag nyid kyis 'tshal ba'i gnas der mchis te/ yang na ni gdugs
260b₈ bdun/ yang na ni gdugs nyi shu rtsa gcig/ yang na ni gdugs sum bcu rtsa lnga/ yang na ni gdugs bzhi bcu rtsa dgu la de'i rnam par shes pa slar ldog cing dran pa rnyed la/ de dge ba dang mi dge ba'i las kyi rnam par smin pa bdag nyid kyi mngon

_{iiif viewer powered by OpenSeadragon}

260a - 261a

Texts on this page