| e-texts navigator |
| བོད་ཡིག |
148b1 'gal bar byed pa ni lha dang bcas pa dang / bdud dang bcas pa'i 'jig rten na ngas ma mthong ste/ de'i mgo lag na rdo rjengs rdo kun tu 'bar shing me lce gcig tu byur pas dges mo// 'jam dpal char mi 'bab na yang gzungs 'di dag
148b2 klag par bya'o/ / pha rol gyi dmag tshogs 'ong na yang bklag par bya'o// mi nad kyi gnod pa byung ba la bklags na 'jigs pa thams cad rab tu'i bar 'gyur te de'i mod la zhi bar 'gyur ro// de nas 'jam dpal gzhon nur gyur
148b3 pas byang chub sems dpa' lag na rdo rje la 'di skad ces smras so/ / byang chub sems dpa' chen po gzungs sngags chen po'i dkyil 'khor shin tu rgya che ba 'di dang shin tu zab pa 'di dang gting dpag dka' ba dang gsang
148b4 pas kyang ches gsang ba sems can sdig can rnams la bstan du mi rung ba 'di ni lag na rdo rje khyod kyis shin tu dkon pa zhig smras te/ 'di ni sngon ma thos na 'di sems can ji lta bu dag la bshad par bya/ lag na rdo rjes
148b5 smras pa/ 'jam dpal gang dag byang chub kyi sems sgom pa la zhugs pa dang gang gi tshe de dag gi byang chub kyi sems grub par gyur pa de'i tshe/ 'jam dpal byang chub sems dpa'i spyad pa gsang sngags kyi sgo spyod pa'i byang
148b6 chub sems dpa' de dag ye shes chen por dbang bskur ba'i gzungs sngags kyi dkyil 'khor du gzhug par bya'o/ / gang dag gi byang chub kyi sems rdzogs par ma gyur pa de dag ni zhugs par mi bya ste/ de dag ni dkyil
148b7 'khor yang ltar mi gzhug go/ de dag la ni phyag rgya dang gsang sngags kyang bstan par mi bya'o// 'jam dpal gzungs sngags chen po'i dkyil 'khor 'di byin gyis brlab par bya ba'i phyir phyag rgya chen po gang bcings pa tsam
148b8 gyis thams cad byin gyis brlabs par 'gyur ba bshad kyis nyon cig/ lag pa gnyis sbyar la g.yas pa'i gung mo bkug pa ni gzungs sngags thams cad 'dren pa'i phyag rgya ste gsang sngags la/ na maHsarba ta thA ga te b+h+yaH/
iiif viewer powered by OpenSeadragon
Texts on this page
Q130 - 'phags pa lag na rdo rje dbang bskur ba'i rgyud chen po