rKTs

e-texts navigator

Volume

Page

148a₁ de ni 'khrul pa chen po dang shin tu kha na ma tho ba chen po yin no// 'jam dpal sangs rgyas dang byang chub sems dpa' la slu ba ni sla'i// gzungs sngags kyi tshig 'di dag spong ba ni de lta ma yin no// 'jam dpal sangs rgyas rnam
148a₂ 'byung ba ni dkon te/ dper na u dum pa ra'i me tog bzhin no// de bas kyang gzungs sngags 'di 'dra ba dag ston pa ni dkon no// de bas kyang nan tan gyis sgrub pa dkon no// de bas kyang 'di gang dag gi lag na 'chang ba dang gang dag 'di nyan pa dang
148a₃ klog pa dang 'dzin pa dang yang na dkyil 'khor 'dri ba'i sems can de dag ni shin du dkon/ sems can 'di dag gi bsod nams kyi phung po'i mtha' yang rtogs par mi nus na/ gang nang par langs nas lan gcig klog pa lta smos kyang
148a₄ ci dgos te/ / de'i mtshams med pa lnga la sogs pa rnams yongs su byang bar 'gyur ro// de la 'jigs pa thams cad 'byung bar mi 'gyur ro// dus ma yin par 'chi ba thams cad dang phyir rgol ba'i 'jigs pa thams cad kyang 'byung
148a₅ bar mi 'gyur ro/ / de'i lus ldand thams cad 'byung bar mi 'gyur ro// gang la la dben pa'i phyogs su ba lang gi lci bas dkyil 'khor byugs la me tog phul nas tshes grangs dang zhag byed pa dang yud tsam dus bzang po la grog la
148a₆ bris sam/ yang na yang ngo'i tshes brgyad dam tshes bcwa lnga la spos dang me tog dang bdug pa dang lha bshos phul la/ mar gyi mar me brgyad dang gser gyi bum pa lnga bzhag nas gro ga la bris te mgul pa'am dpung pa 'am lag
148a₇ darar ma rked pa la btags la/ thal mo gyed pa'i nang du 'gro ba 'am lam du 'gro'am rgyal po'i pho brang du 'gro na yang de la 'jigs pa de dag thams cad 'byung bar mi 'gyur ro// 'jam dpal 'di ni sems can la bsrung ba'i mchog
148a₈ yin te/ khyim mam gtsug lag khang dam gnas khang gang na gzungs sngags 'di dag 'dug pa'i gnas der bsrung ba'i mchog tu 'gyur ro// 'jam dpal gang gi gzungs sngags 'di dag las gang yang rung bas bsrung ba bya ba la

_{iiif viewer powered by OpenSeadragon}

147b - 148b

Texts on this page