rKTs

e-texts navigator

Volume

Page

147b₁ bzhin gshegs pa thams cad sku stong par mdzad do/ / jam dpal ltos dang sa la gnas pa'i shing dang nags tshal thams cad nes med na de dag kyang med do// 'jam dpal de bzhin du de bzhin gshegs pa thams cad dang / byang
147b₂ chub sems dpa' chen po sems la dbang thob pa rnams kyang gzungs sngags 'di dag la gnas te/ 'di dag gis byin gyis brlabs pas thams cad mkhyen pa nyid kyi go 'bang rnyed do// bdud las rnam par rgyal bar byed do// chos kyi 'khor lo
147b₃ bskor bar byed do/ / byang chub tu mngon par rdzogs par 'tshang rgya'o// de nas sems can gyi don rnam pa sna tshogs kyang byed de/ 'di dag thams cad gzungs 'di dag gi mthu yin no// 'jam dpal de bas na khyod kyis kyang chong pa shig/ lhogs
147b₄ shig yid la byos shig/ gzhan dag la rgya cher yang dag par ston cig dang / des sems can thams cad la phan pa dang bde bar 'gyur ro// 'jam dpal sa phyogs gang na ye shes chen por dbang bskur ba'i gzungs chen po'i dkyil 'khor
147b₅ 'di byed pa'i sa phyogs de mchod rten lta bur 'gyur ro/ / gang gi lag na 'chang ba'i sngags pa de la yang ston pa'i 'du shes bskyed par bya'o// 'jam dpal sngag pa de la ni de bzhin gshegs pa thams cad rtag tu byin gyis rlob par
147b₆ 'gyur ro/ / sngags pa des kyang gzungs sngags chen po'i dkyil 'khor 'di rin po che'i za ma tog bzhin du rtag tu bsrung bar bgyi'o// de ci'i phyir zhe na/ 'jam dpal sems can gang sangs rgyas dang byang chub sems dpa' rnams la gus
147b₇ pa med pa'i rang bzhin can dang slob dpon gyi skyon 'bru ba dag yod pa'i phyir te/ 'jam dpal de dag la ni chung ngu na gtam du yang bzlas par mi bya// glegs bam yang bstan par mi bya/ nan gyis dkyil 'khor du yang dbang bskur ba dang
147b₈ klog tu gzhug pa dang brtan gzhug pa lta ci smos/ 'jam dpal 'di lta bu dag bstar gzhug pa dang tshig du 'byung ba ni byang chub sems dpa' de'i 'khrul pa yin te/ 'jam dpal byang chub sems dpa'i bag med pa chen por rig par bya'o//

_{iiif viewer powered by OpenSeadragon}

147a - 148a

Texts on this page