| e-texts navigator |
| བོད་ཡིག |
146b1 the tshom mang ba dang rnam par rtog pa sna tshogs kyi rang bzhin can dang mi dge ba shes gnyen gyis yongs su zin pa dang pha la ma gus pa dang ma lam gus pa dang slob dpon dang bla ma la smod pa dang / bla ma'i skyon 'bru pa'i sems can de dag la ni ye
146b2 shes chen por dbang bskur ba'i gzungs sngags kyi dkyil 'khor 'di lag tu 'chang du mi gzhug go/ / rna lam du yang grag par mi bya'o// 'jam dpal de dag gi mdun du ni gtam yang mi bya'o// glegs bam du bris pa yang de dag gi mdun du
146b3 dbye bar mi bya ste/ sems can sdig can de dag gis spong ba cung zad byas pas kyang ngan song sems can dmyal bar 'gro bar myur du 'ong ngo // 'di skad du 'di ni sangs rgyas kyis gsungs pa ma yin no zhes zer te/ de dag ni bdag kyang bud la
146b4 gzhan dag kyang phung bar byed do/ / de ltar byed pa'i sems can de dag la ni gsang sngags kyi dngos grub med do zhes kho bo smra'o// sangs rgyas dang byang chub sems dpa' rnams kyang rtag tu rgyab kyis phyogs par 'gyur te// de dag rgyab
146b5 kyis phyogs par gyur nas nges par 'byin pa dang gsang sngags kyi dngos grub gtan med do/ / de skad ces smras pa dang / 'jam dpal gzhon nur gyur pas byang chub sems dpa' lag na rdo rje la 'di skad ces smras so// gsang sngags kyi
146b6 tshul 'di la dad pa gang yin pa'i byang chub sems dpa' sems dpa' chen po de dag ni shin tu dka' ba byed pa yin no/ / 'jam dpal ji skad smras pa bzhin te/ de dag ni bla na med pa yang dag par rdzogs pa'i byang chub tu nges pa
146b7 yin te/ de dag la ni de bzhin gshegs pa rnams byin gyis rlob par 'gyur ro// de nas 'jam dpal gzhon nur gyur pas byang chub sems dpa' lag na rdo rje la 'di skad ces smras so// byang chub sems dpa' chen po gang ye
146b8 shes chen por dbang bskur ba'i gzungs sngags chen po 'di yi ger 'dri ba dang klog pa de'i bsod nams kyi phung po ji tsam yod par rig par bya/ lag na rdo rjes smras pa/ 'jam dpal sangs rgyas kyi zhing bcu'i rdul rab kyi
iiif viewer powered by OpenSeadragon
Texts on this page
Q130 - 'phags pa lag na rdo rje dbang bskur ba'i rgyud chen po