rKTs

e-texts navigator

Volume

Page

184b₁ ga rgyas pa 'di gsungs so// ma bsgrubs pa'i snying po'i las rnams 'di lta ste/ bdag nyid bsrung ba ni bde ba chen po'i rdo rjes gsang ba'i gtsug tor gyis so// thams cad bsrung ba ni bde ba chen po rdo rje gsang
184b₂ ba'i mdzod smras so// phyogs thams cad dang 'tshams dang dkyil 'khor bcing ba ni bde ba chen po rdo rje gsang ba 'bar ba'i phreng bas so// bdud thams cad kyi stobs gzhom pa ni bad ba chen po'i rdo rje gsang ba mi bskyong
184b₃ pas so// tshe 'phel bar bya ba ni bde ba chen po rdo rje gsang ba'i bdud rtsis so// gzugs chen po phun sum tshogs pa ni bde ba chen po rdo rje gsang ba'i gzugs can gyis so// gzi brjid dang na tshed shin tu bzang po rab tu
184b₄ 'phel ba la ni bde ba chen po rdo rje gsang ba'i bcud kyis len gyis so// stobs dang mdog 'phel ba la ni bde ba chen po rdo rje gsang ba'i mthu yis so// dbang bskur ba thams cad la ni rdo rje gsang ba'i cod pan can gyis so//
184b₅ nor thams cad thob par bya ba la ni rdo rje gsang ba'i dbyig gis so// rgyal srid thob pa la ni rdo rje gsang ba'i rgyal po'i phyag rgyas so// sa ma lus pa thob pa la ni/ gsang ba'i rtsal gyis so// thams cad dbab pa dang g.yo bar
184b₆ bya ba dang gar byed du bzhug pa dang dus gsum bden pa nyid du smrar gzhug pa la ni bde ba chen po rdo rje gsang ba'i dam tshig gis don du gzhug pas so// pra sen thams cad bsgrub pa la ni rdo rje gsang ba'i pra sen
184b₇ dbab pas so// gdon thams cad las thar pa la ni rdo rje gsang ba'i gdon las thar pas so// gdug pa thams cad gzhig pa la ni rdo rje gsang ba'i bgegs 'joms pas so// thams cad rengs par bya ba la ni
184b₈ rdo rje gsang ba'i rengs pas so// thams cad ga nyid log par bya ba la ni rdo rje gsang ba'i gnyid kyis so// thams cad rgyas gdab pa la ni bde ba chen po rdo rje gsang ba'i dam tshig gi mkha' 'go mas so// tham

_{iiif viewer powered by OpenSeadragon}

184a - 185a

Texts on this page