| e-texts navigator |
| བོད་ཡིག |
176b1 ye shes bslab par bya ste/ phyag rgya'i gar dang mchod pa byas nas gtor ma byin zhing / bza' ba dang btung ba dang longs spyod la sogs pas tshim par byas nas phyir 'byung bar bya'o// dngos grub thams cad kyi dam tshig ces bya ba'i
176b2 phyag rgya'i dkyil 'khor ro// de nas sbrang rtsi byed la sogs pa ming po gsum gyis bcom ldan 'das la phyag 'tshal te/ mgrin cig tu rang gi de kho na nyid kyi snying po 'di phul lo// sra/ de nas 'di'i dkyil 'khor bshad
176b3 par bya ste/ zur bzhi pa dang sgo bzhi par// phyi'i dkyil 'khor bri bar bya// de'i nang du dkyil 'khor ni// gzhu yi dbyibs can bri bar bya// de'i dbus su ming po ni// mchog gsum dag ni bzhag par bya// sbrang rtsi byed dang
176b4 rgyal bye dang // de bzhin don rnams thams cad ni// grub par byed ces bya ba'o// cho ga ya lang bgos pa dang // de bzhin thod pa mtshan ma 'dzin// lha mo'i gos dang phreng ba 'chad// cung zad rgod cing khro ba dang // seng ge'i khril 'dug pa
176b5 dang / 'od kyi dkyil 'khor gyis mdzes pa'o// dngos grub kun ster dag pa ste// gsum ni srid gsum dag dang mtshud// sgo dang 'tshams ni thams cad du// tshogs la sogs pa legs par bzhag/ grub dang 'phel chen gnod
176b6 sbyin dang // gtum dang khro mchog gsod pa'o// phyi rol ba dan rtse mo la// dril bu phreng bcas thams cad du// bum pa gang pa ro mchog bcas// 'byung po ma lus gtor mar bcas// glu rnams glu ru len pa dang // rol mo b.rung
176b7 bar byed pa dang // de bzhin slob dpon gar byed pa// phyag rgya kun gyis 'jug par bya// zhugs nas sgrub pa la dad pa yi// yang nas yang du 'jung bya zhing // me tog kun gyis mchod pa yis// bsgrub dang de nyid dag kyang brjod// 'dzag
176b8 rten gsum po srid gsum mchog/ ngan song gsum mchod gsum rnam gsum// legs ldan sbas pas grub pa ni// dngos grub kun la rtag tu'o// de nas snying po lan cig brjod cing phyag rgya thams cad kyi g.yas pa'i
iiif viewer powered by OpenSeadragon
Texts on this page
Q119 - dpal mchog dang po zhes bya ba theg pa chen po'i rtog pa'i rgyal po