| e-texts navigator |
| བོད་ཡིག |
173b1 'dzum zhing rdo rje mche ba'i phyag rgya dang rdo rje gnod sbyin gyis gzugs kyis rdo rje khro bo'i gad mo zhes bya ba'i snying po 'di smras so// ha/ de nas 'di gsungs pa tsam gyis gdug pa thams cad 'dul ba'i sems dpa' rnams bcom
173b2 ldan 'das rdo rje gnod sbyin gyi thugs las byung ste/ dang po'i dkyil 'khor gyi tshul du bzhugs so// de nas byang chub sems dpa' rdo rje gnod sbyin thabs thams cad kyis 'dul ba khro bo'i rdo rje zhes bya ba'i ting nge 'dzin la
173b3 snyoms par zhugs nas gdug pa thams cad 'dul zhing byin gyis rlob pa rdo rje zhes bya ba'i gnod sbyin gyi dkyil 'khor 'di gsungs so// phyi'i dkyil 'khor tshul du ni/ phyi'i dkyil 'khor bri bar bya// de'i nang rim
173b4 nyid du ni// dkyil 'khor bzang po gru bzhi pa// sgo bzhi pa la thig bzhir ldan// tshon sna lngas ni rnam par bri// ka ba brgyad ni mdun gnas par// 'bar ba'i dkyil 'khor yang dag ldan// de yi dbus su ci rigs
173b5 par// rdo rje gnod sbyin bzhag bya ste// rdo rje mche ba gtsigs pa dang / 'bar ba'i phreng ba 'khrigs pa'i 'od// 'jigs byed kha dog sngo ba dang // ha ha zhes bzhad gsal ba'i zhal// de yi kun tu gnod sbyin ni/
173b6 shin tu 'jigs po bzhag par bya// de nyid dang po la sogs mchog/ phyag na rdo rje sgyogs mtshan 'chang // phyi'i dkyil 'khor 'tshams rnams su// mche ba'i phyag rgya bri bar bya// sgo yi gnas ni thams cad du//
173b7 rdo rje'i mtshan ma bzhag par bya// de nas 'jug pa la sogs pa 'byung ste/ rdo rje mche ba'i phyag rgya dang / ha ha zhes bzhad pa dang bcas pas zhugs na gdug pa thams cad 'dul nus shing myur du rdo rje 'dzin pa nyid
173b8 thob par 'gyur ro// de nas zhugs nas rdo rje mche ba blangs nas rdo rje ming gis dbang bskur la rdo rjes rdo rje gnod sbyin nyid la bsnun no// de nas rdo rje gnod sbyin gyis zhal nas ha ha zhes bya ba'i sgra 'byung bar
iiif viewer powered by OpenSeadragon
Texts on this page
Q119 - dpal mchog dang po zhes bya ba theg pa chen po'i rtog pa'i rgyal po