rKTs

e-texts navigator

Volume

Page

165b₁ rten na sdig pa thams cad rnam par dag par 'gyur ro// chos thams cad rnam par dag pas 'jig rten na sems can thams cad rnam par dag par 'gyur ro// shes pa thams cad rnam par dag pas 'jig rten na
165b₂ shes rab kyi pha rol tu phyin pa rnam par dag par 'gyur ro// lag na rdo rje gang la la shes rab kyi pha rol tu phyin pa'i tshul 'di nyan pa dang 'dzin pa dang klog pa dang bsgom pa de 'dod chags dang dri ma thams cad kyi nang na 'dug kyang
165b₃ pad mo lta bur 'dod chags kyi nyes pa rnams dang dri ma rnams dang glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar yang
165b₄ 'gyur ro// de nas byang chub sems dpa' sems dpa' chen po spyan ras gzigs dbang phyug den gyi gnas 'di nyid yang rgya cher ston cing bzhin rab tu 'dzum mul te/ pad ma'i 'dab ma kha 'byed pas 'dod chags la sos/
165b₅ pa'i dri mas mi gos pa la blta zhing 'gro ba thams cad kyi phyir pad ma'i gzugs sna tshogs zhes bya ba'i snying po 'di gsungs so/ hrIH/ de nas 'di gsungs pa tsam gyis pad ma chen po de las de bzhin gshegs pa la sogs
165b₆ p a'i gzugs brnyan thams cad bcom ldan 'das dang 'dra ba'i pad mas mtshan pa'i gzugs can nges par byung nas bcom ldan 'das spyan ngas gzigs dbang phyug gi rim pa dang po'i dkyil 'khor gyi tshul du bzhugs
165b₇ par gyur to// de nas bcom ldan 'das spyan ras gzigs dbang phyug chos thams cad la gzigs pa'i ye shes kyi dbang phyug gi ye shes kyi phyag rgya zhes bya ba'i ting nge 'dzin la snyoms par zhugs nas 'gro ba
165b₈ thams cad 'dul ba zhes bya ba'i dkyil 'khor chen po 'di gsungs so// phyi'i dkyil 'khor ci lta ba'i nang du gnyis pa ni zur bzhi pa la de bzhin du sgo dang mtshams su bcas par bri'o// de nas dkyil 'khor brgyad

_{iiif viewer powered by OpenSeadragon}

165a - 166a

Texts on this page