rKTs

e-texts navigator

Volume

Page

164b₁ bkang bar bya'o// gdug cing khros pa dgos pa la ni khros pas lcags byo'i sbyin bsreg gis so// bdud thams cad brlag pa la ni rang gis bon gyi sbyin sreg gis so// gnod sbyin thams cad bskrad pa la ni ha ha zhes rgod cing
164b₂ zlas pas so// klu thams cad gnon pa la ni rdo rjes la brdebs shing bzlas pas so// lha thams cad ltung bar bya ba la ni lha mo rdo rdo lhung byed kyis so// lha'i bdag po thams cad dbang du bya ba dang / gdul ba dang bsnun pa dang /
164b₃ gsod pa dang // gdul bar bya ba la ni rdo rje srid pa gsum po gdul bar byed pas so// rnam thos sras rjes su 'brang bar bya ba la ni rnam thos sras mnan nas khros pas bzlas brjod bya'o// lus ngan po mnan nas dpal
164b₄ dbrog par bya ba la ni rdo rje skyes bus so// 'dod pa'i lha dbang du bya ba la ni 'dod pa'i lha'i mdun du khros pas bzlas brjod bya'o// tshangs pa lhung bar bya ba la ni rdo rje rab tu dga' ba'i phyag rgyas so// khyab 'jug gzhig pa la ni rdo rje
164b₅ 'khor lo dral bas so// dbang phyug/ chen po gdul bar bya ba la ni rdo rje tri shul dral bas so// ma mo thams cad gsad pa la ni rdo rje khro bo'i tshogs kyi srin mos so// phyi'i dkyil 'khor thams cad kyis phyag rgya dang dam tshig dang chos
164b₆ dang gsang ba'i dngos grub rnam par gtor cing rnam par gzhig pa la ni rdo rje khro bo gdug pa'i dam tshig 'jig par byed pas so// ri dang shing dang khyim dang gtsug lag khang dang grong khyer dang mchod rten dang lha'i khang pa
164b₇ dang skyes pa dang bud mad dang glang po dang bcas pa'i rtal sogs pa thams cad gzhom pa la ni rdo rje khro bo'i lta ba'i mig la reg pas so// lung ba thams cad bslang ba la ni dong khro bo bablang bas so// thams cad thob la/
164b₈ ni rdo rje khros bzhi rnal 'byor mas so// thams cad dbrog pa la ni rdo rje khro bo'i khu tshur dang dbrog pas so// 'jigs pa thams cad bskyed pa la ni rdo rje khro bo'i blta bas so// dpung thams cad gsang ba la ni rdo rje khro ba'i

_{iiif viewer powered by OpenSeadragon}

164a - 165a

Texts on this page