| e-texts navigator |
| བོད་ཡིག |
99b1 par bye ba'i le'u ste dgu pa'o/ / / de nas bcom ldan 'das rnam par snang mdzad chen po rdo rje'i de bzhin gshegs pas ting 'dzin thams cad kyi dngos grub dam pa rdor zhes bya ba nga /
99b2 la snyoms par zhugs nas dam tshig thams cad kyi rdo rje chen po'i mchog dngos grub 'di bka' stsal to// lag na rdo rje gsang sngags bsgom pa'i rnal 'byor gyi tshogs yang dag par bskul nas rjes thams
99b3 cad kyi dngos grub sgrub pa'i thabs gsang chen 'di nyon cig/ rnam par snang mdzad ting 'dzin la// gnas shing sku gsung thugs bsgoms te// mdun du 'khor lo legs par bzhag/ sku gsum rdo rje can
99b4 gyi gzugs/ / 'bar ba'i phreng ba 'khrug pa'i 'od// 'khor lo'i nang du zhugs gyur par// bsgo ba zhing 'khor lo bsgrub par bya// me yi 'od ltar 'bar ba'i 'od// 'khor lo chen po 'phags par 'gyug/
99b5 spyan ni bzlas brjod byed bzhin du// bla med 'khor lo blang bar bya// rgyal chen 'khor lo drug pa dag/ 'od ni rnam par snang mdzad bzhin// lan gsum 'jug pa'i sems can la// chos kyi 'khor lo
99b6 bskor bar gyur/ / mi 'khrugs par ni rnam par bsgom zhing // rdo rje mdun du bzhag nas ni// rim pa bzhin du bskul na 'dis// sku gsum rnam par 'phel 'gyur zhing // 'bar ba'i phred chen mnyam pa'i 'od/
99b7 rdo rje chen po 'phags par 'gyur// mA ma kI ni zlos bzhin du// rdo rje bla med blang bar bya// rdo rje rgyal po blangs pa yis// gtso ba rdo rje 'chang gnyis 'gyur// gtso bo chen po sangs rgyas dang // byang chub sems
99b8 dpas yongs bskor nas/ / sems can kun sems la gnas pa'i// lag na rdo rje rdo rje 'chang // 'jig rten khams su rnam rgyu zhing // kun gyi bsam pa yongs rdzogs byed// rin chen 'byung ba bsgoms na
iiif viewer powered by OpenSeadragon
Texts on this page
Q102 - rgyud kyi rgyal po chen po sgyu 'phrul dra ba zhes bya ba