| e-texts navigator |
| བོད་ཡིག |
59b1 kyi ye shes kyi bde ba de'i bdag nyid dang / dmigs pa dang ma bral ba// thugs rje chen pos mnyes gshin pa/ sems can thams cad bsgral ba la brtson par mdzad pa/ lha dang klu dang gnod sbyin dang dri za lha ma yin dang
59b2 nam mkha' lding dang mi 'am ci dang / lto 'phye chen po dang mi dang / mi ma yin pa la sogs pa mang pos brgyan pa na/ bcom ldan 'das rnam par snang mdzad chen po rdo rje de bzhin gshegs pa bzhugs so// de
59b3 nas de'i tshe bcom ldan 'das kyi 'khor gyi khyams kyi dbus na byang chub sems dpa' sems dpa' chen po phyag na rdo rje 'dug pa la gzigs nas 'dzum pa mdzad do/ / 'dzum pa mdzad ma thag tu byang chub sems
59b4 dpa' sems dpa' chen po phyag na rdo rjes bla gos phrag pa gcig tu gzar nas 'gye dpag can du bltas nas rdo rje gsor te/ / pus mo g.yas pa'i lhangs la btsugs te thal mo sbyar nas bcom ldan 'das
59b5 la phyag 'tshal nas gsol pa/ sangs rgyas bcom ldan 'das rnams ni dgongs pa ma mchis par 'dzum pa mi mdzad na/ bcom ldan 'das kyis dgongs pa gang gi slad du gzigs pa dang 'dzum pa mdzad/
59b6 des na bdag dang 'khor rnams ngo mtshar du gyur pa lags na/ de'i slad du bcom ldan 'das kyis seng ge chen po'i sgra dbyangs kyis bka' stsal du gsol// de nas byang chub sems dpa' sems dpa' chen po phyag na
59b7 rdo rjes de skad du gsol ba btab ma thag tu/ bcom ldan 'das kyis rgyud kyi rgyal po sgyu 'phrul dra ba ye shes rnam par bsgyings pa rgyud thams cad kyi phyi ma yang phyi ma'i thabs bde ba rdo rje'i ye shes bsgrub pa rol
59b8 p as mnyes par bya ba'i thabs de kho na nyid thams cad kyis 'byung gnas stang stabs kyis rnam par rgyal ba'i thabs dang shes rab bde ba chen po'i rdo rjes sgrol ba rol pas bzhad cing bsgyings pa rdo rje zhes bya ba
iiif viewer powered by OpenSeadragon
Texts on this page
Q102 - rgyud kyi rgyal po chen po sgyu 'phrul dra ba zhes bya ba