rKTs

e-texts navigator

Volume

Page

138b₁ rlung gi shugs bzhin du 'gug par 'gyur ro/ / de nas sngags pas skyo bar bya bar 'dod na d+ha du ra'i 'bras bu zangs la/ sha chen dang lhan cig pu shing srin gyis zos pa'i bye ma dang bsres nas bza' ba dang btung ba la ni
138b₂ spyan no/ / sngags kyang bzlas pa bya ste/ de skad cig gis skyo bar 'gyur zhing zhag bdun gyis 'chi'o// de nas gzhan yang rab tu sbyor ba gsungs pa/ gshin rje'i sngags su dur khrod kyi ras la dug la sogs pa'i
138b₃ rdzas kyis bris te/ mar me chen po dang rnam par snang mdzad kyi gzugs brnyan byas la/ de'i snying khar 'khor lo bcug nas pa'i gnag su song la ro bsregs pa'i me la mtshon rnon pos chubs nas rnam par brtseg
138b₄ ba'i sbyor bas rnal 'byor pa gnas la/ rnam par snang mdzad kyis lus byugs te// kha lhor bltas nas bsregs na de myur du 'chi'o// de nas 'bral ba'i rab tu sbyor ba 'byung ba ni bya rog dang 'ug pa'i rus pa blang
138b₅ na de gnyis la lcags kyi tsher mas bsgrub bya'i ming dang lhan cig tu yi ge bcu pa'i sngags bris la/ gcig pu gnas su gnas te/ gang gi ming dang bcas par bzlas shing / de cig la gcig brud na 'bral bar
138b₆ 'gyur ro/ / de nas gshin rje 'khor lo gro ga'i mdab ma la bud med dang skyes pa'i ming bris nas sbal pa'i gsus par bcug na/ gang gi ming dang bcas la them pa'i 'og tu sbas na/ de'i yan lag mtshon
138b₇ gyis 'bugs par 'gyur ro/ / de nas bu mo rengs pa'i rab du sbyor ba 'di gshin rje'i sngags dur khrod kyi ras la dug la sogs pas bris la ro bsregs pa'i sol bas gzugs brnyan mtho gang tsam gyi
138b₈ tshad brtsigs la/ de'i snying khar 'khor lo bcug nas rkang pa g.yon pas mnan la/ ma he'i sbyor bas che ge mo'i pho mo myur bar rengs par gyur cig ces yi ge bcu pa'i sngags bzlas na rengs par 'gyu ro//

_{iiif viewer powered by OpenSeadragon}

138a - 139a

Texts on this page