| e-texts navigator |
| བོད་ཡིག |
102a1 du byung ba'i sangs rgyas bcom ldan 'das rnams rdo rje slob dpon gyi drung du byon nas mchod par mdzad cing phyag 'tshal bar brjod do/ / de ci'i phyir zhe na// de bzhin gshegs pa thams cad dang /
102a2 byang chub sems dpa' thams cad kyi ston pa yin pa dang / bcom ldan 'das rdo rje 'chang de nyid ni sangs rgyas dang byang chub sems dpa' thams cad kyi bdag po yin pa'i phyir ro// de nas byang chub sems dpa
102a3 de dag gis de bzhin gshegs pa de dag la 'di skad ces gsol to/ / bcom ldan 'das de bzhin gshegs pa thams cad kyi rdo rje'i sku dang gsung dang thugs kyi dngos grub gang la gnas/ de bzhin gshegs pa
102a4 thams cad kyis bka' stsal pa/ rdo rje'i sku dang gsung dang thugs kyi gsang ba gsum ni rdo rje slob dpon gyi lus dang ngag dang yid la gnas so// byang chub sems dpa' thams cad kyis gsol pa// rdo rje slob
102a5 dpon gyi lus dang ngag dang sems kyis gsang ba gang la gnas/ mkha' la gnas/ nam mkha' gang la gnas/ rdo rje slob dpon gyi sems la gnas/ sems gang la gnas/ gang du yang ma yin no// de nas
102a6 byang chub sems dpa' sems dpa' chen po de dag ngo mtshar du gyur nas cang mi zer bar 'khod do/ / dkyil 'khor dang / ting nge 'dzin dang / phyag rgya dang stang stabs dang / 'dug stabs dang / bzlas brjod dang /
102a7 sbyin bsreg dang // mchod pa dang / las la sbyar ba dang / slar bsdu ba rnams ni gsang sngags kyi tshul de kho na nyid bcu yin par gsungs so// dus gsum du 'byung ba'i rgyal ba thugs rje'i ro gcig pa rnams
102a8 kye gsang ba dang gsang chen dang ye shes rnam pa gsum gyi snying po bstan pa dag ni slob dpon gyi kho nas bla ma la gus pa'i slob mas shes par bya'o/ / bla mas dam tshig ci lta ba bzhin gyi dbang du byas nas
iiif viewer powered by OpenSeadragon
Texts on this page
Q102 - rgyud kyi rgyal po chen po sgyu 'phrul dra ba zhes bya ba