rKTs

e-texts navigator

Volume

Page

45a₁ lha rnams thams cad 'byung ba ni// yang dag ting 'dzin dbye ba yis// zhe sdang gti mug 'dod chags dang / yid bzhin nor bu'i dam tshig ste// rigs lngar gyur pa 'di dag gis// 'dod dang thar pa rab bsgrubs pas//
45a₂ dkyil 'khor yongs su rdzogs par 'gyur// dag dang ma dag gyur pa rnams// 'dir ni rigs la gnas pa ste// rigs dang phra ba'i cha brten pas// lus sems chos ni rab tu dbye// lus ni nam mkha' lta bu ste// sems ni sgyu ma'i
45a₃ rnam par 'byung / / dag ni brag cha lta bu ste// dbyer med rdo rje lhan cig skyes// rten dang rten pa dbyer med pas// thams cad chos nyid sems la gnas// sems can sangs rgyas gnyis su btags// snod bcud snang ba'i yul rnams dang //
45a₄ brtan g.yo khams gsum rang rig pa// srid gsum ma lus chos nyid de'i// snang ba gzugs dang sgra la sogs// dri dang ro dang reg bya dang // thams cad chos nyid bag chags 'byung // rgyu las 'bras bu bskyed pa'i phyir// gcig las
45a₅ du ma'i chos kun shar/ / du ma nyid du dmigs med de// thams cad stong phyir ma skyes pa'o// de skad ces gsungs pa dang // de nas de bzhin gshegs pa de dag thams cad dang // byang chub sems dpa' sems dpa' chen po kun du bzang po
45a₆ la sogs pa rnams rab tu dga' zhing yid rang ste/ / bde ba dang yid bde ba bla na med pa thob nas lus ngag yid gsum sku gsung thugs rdo rje la rab tu gnas par gyur nas ched du brjod pa 'di ched du brjod do// e ma'o// rang lus sgyu mar
45a₇ grub pa dag/ nam mkha' lta bur skye ba med// dbang po'i gzhu dang mtshungs pa nyid// stong pa nyid ni rdo rje'i su// lus ni rang bzhin mi dmigs pas// dag pa chen po ye shes lus// ngag ni brag cha'i sgra dang mtshungs// brjod pa'i dus na stod pa
45a₈ ste/ / bi wang sgra bzhin rten 'brel gyis// rang grag brjod pa tha snyad tsam// sems ni rang 'byung dag pa la/ ye shes chen po rang gnas nyid// rgyu rkyen tshegs pa bral ba las// snang ba tsam du'ang mi gnas pa'o// de nas bcom ldan 'das dpal

_{iiif viewer powered by OpenSeadragon}

44b - 45b

Texts on this page