rKTs

e-texts navigator

Volume

Page

19b₁ gyis bad+ma/ rdo rje 'di yis byin brlab pa// 'di yis byang chub thob par byed// cho ga shes pas zla drug gis// sangs rgyas nyid 'dir thob par gyis// chags skyes chos kyis ma gos pa'i// rdo rje de rnams thams cad 'byung / de ltar
19b₂ de nyid cho ga byas nas/ dngos grub thams cad bsdus pa yin// de nas phyag na rdo rjes de bzhin gshegs pa thams cad kyi ye shes kyi kun du spyod pa'i dam tshig bka' stsal to// mi slu pa yi tshul gyis ni// rdo rje ye shes gsum 'byung
19b₃ pas/ de kun nye bar longs sbyong ba// sangs rgyas kun spyod nyid du 'gyur// nam mkha'i 'ams ni kun bkang ba'i// sangs rgyas rnams ni gal te com// skye ba 'dir 'di sangs rgyas nyid// rdo rdzordzob dpon bsdus pa'o//
19b₄ nyi ma'i dkyil 'khor dbus su ni// rdo rje'i gzugs ni yang dag bskyed// mkha' khams sangs rgyas gzugs kyis ni// yongs su gang bar rnam bsgom bya// snying khar sngags ni yang dag bskyed// mnyam par gzhag pas bskul bar bya/ kun du
19b₅ dgyes pa'i dam tshig gang / rdo rje slob dpon rtag bsgom bya// nyi ma'i dkyil 'khor dbus gnas par// rang gi sngags ni yang dag bskyed// mkha' khams gzugs kyi yang dag bkang // snying khar thams cad rnam bsgom bya// de nyid de ni
19b₆ byed bzhin pas/ sangs rgyas bka' nyid go 'phang gnas// zla ba'i dkyil 'khor dbus gnas par// rang gi sngags ni yang dag bskyed// cho ga shes pas gzugs rnam par// gnas lnga rnams su bsgom par bya// byang chub sems
19b₇ ni yang dag bskyed/ de kun bskul bya brtul zhugs can/ chos kyi dkyil 'khor dbus su ni// rang gi sngags ni yang dag bskyed cod pan du de rnam bsgoms nas// mchod par bya zhing bsgom par bya// sangs rgyas slob dpon bde ldan gang/
19b₈ de nyid rnal 'byor pa'i bde de// kun du skrag pa kun spangs pa'i// sngags pa seng ge bzhin du spyod// skye ba 'dir nyid sangs rgyas nyid// skad cig de la des sbyor byed// bcom ldan 'das de bzhin gshegs pa thams cad kyi dam tshig gis de skad

_{iiif viewer powered by OpenSeadragon}

19a - 20a

Texts on this page