| e-texts navigator |
| བོད་ཡིག |
307a1 nas/ byang chub kyi sems 'di gsung ngo // dngos po 'di dag ma skyes te// chos can med cing chos nyid med// nam mkha' bzhin du dmigs med pa'i// byang chub sems ni bstan pa yin// bcom ldan 'das
307a2 de bzhin gshegs pa rdo rje mi 'khrugs pa gsungs so/ / de nas bcom ldan 'das de bzhin gshegs pa rin chen 'byung gnas kyis de bzhin gshegs pa thams cad dmigs su med pa zhes bya ba'i ting nge 'dzin la
307a3 snyoms par bzhugs nas byang chub kyi sems 'di gsung ngo / / dngos po 'di dag dngos med de// chos kyi mtshan nyid spangs pa yin// bdag med chos las legs byung ba'i// byang chub sems ni bstan pa yin// zhes
307a4 bcom ldan 'das rin chen tog gis gsungs so/ / de nas bcom ldan 'das de bzhin gshegs pa 'od dpag med kyis rdo rje me lce 'bar ba zhes bya ba'i ting nge 'dzin la snyoms par zhugs nas byang chub kyi sems 'di
307a5 gsungs so/ / dngos po skye ba med pa ste// dngos po ngo bo yod min pas// nam mkha'i go 'phang thob bo zhes// dngos rnams rab tu brjod pa yin// zhes bcom ldan 'das 'od dpag med kyis gsungs so// de nas bcom ldan 'das
307a6 de bzhiran gshegs pa don yod grub kyis de bzhin gshegs pa thams cad kyi bla ma'i yang bla ma'i rdo rje zhes bya ba'i ting nge 'dzin la snyoms par zhugs nas byang chub kyi sems 'di gsungs so/ / chos rnams rang bzhin 'dogs pa/
307a7 ba/ gzod nas dag cing rnyog pa med// sems can med cing srog kyang med// sangs rgyas nyid dang byang chub med// rmi lam sgyu ma ltar snang ba'i// byang chub sems ni bstan pa yin// zhes bcom ldan 'das don yod grub kyis
307a8 gsungs so/ / de nas yang byang chub sems dpa' sems dpa' chen po byams pa la sogs pa de bzhin gshegs pa thams cad kyi sku dang gsung dang thugs rdo rje de bzhin gshegs pa'i byang chub kyi sems rnam par dag pa
iiif viewer powered by OpenSeadragon
Texts on this page
Q86 - dpal rdo rje snying po rgyan gyi rgyud ces bya ba
Q114 - thams cad gsang ba zhes bya ba rgyud kyi rgyal po