| e-texts navigator |
| བོད་ཡིག |
244b1 bzhugs nas su/ / thams cad mkhyen pas 'di skad gsungs// rnal 'byor gyi dbang phyug bye ba phrag brgyad bcu'i dbus nas phyag na rdo rjes thal mo sbyar nas bcom ldan 'das la 'di skad ces gsol to// gsang ba
244b2 sbyor ba'i khyad par dang / / bdag ni de nyid ji ltar lha// chu dang me ni ji ltar lags// ji ltar rab mdzes nam mkha' dang // ye shes ji ltar 'tshal bgyi ba// ye shes dbang la nyan par 'tshal// 'khor ba las bsgral mtshan
244b3 nyid dag/ nyon cig dpal ldan rdo rje 'chang // dang por dbang gi mtshan nyid dang // gnyis par ya ge cig dang ni// gsum par sa bon brgyad pa dang // bzhi par rtsa yi lha nyid do// bdag nyid lus kyi ye shes me// blo
244b4 ldan rnal 'byor pas shes bya/ / lto ba me yi thab khung du// de yi me la sbyin bsreg bya// steng dang 'og dang dbus su ni// rnam shes ca ni bsdam par bya// thog mar bdag nyid nyo ba ru// rtsa yi lha ni rnam par
244b5 bskor/ / lto ba'i me ni 'bar nga la// khyad par kha dog bsgom pa ni// lte ba'i me ni dkar po'o// g.yon pa'i me ni de bzhin ser// lho ni sngon po'i ming can te// lhag ma 'di ni dmar por bya// de dbus kha dog snga sangs su//
244b6 me yi dra bar rab tu grags// me yi dbus su pad ma nyid// nyi ma'i dkyil 'khor gyis brgyan pa// de yi dbus su ye shes lha// 'khor ba kun las grol bar mdzod// phyag gnyis sbyor ba'i gdan la ni// rdo rje dril
244b7 bus rnam par brgyan/ / g.yas kyi lag na rdo rje dang // rgyan rnams thon ka'i rtse mo can// bzhad dang khro bas hUM sgrogs shing // 'di yi ye shes dbang phyug lha// de yi dbus su rab tu grags// shar du lha mo sgrol ma
244b8 dang / / byang du de bzhin gos dkar mo// nub tu lha mo mA ma kI// sangs rgyas spyan ni lho ru'o// gzugs ni mthe bo'i tshad tsam du// bdag nyid lha yi lha nyid // lce la chu ni sbyar bar bya// nam mkha' rna ba sna dag la'o
iiif viewer powered by OpenSeadragon
Texts on this page
Q69 - dpal gdan bzhi pa'i rnam par bshad pa'i rgyud kyi rgyal po zhes bya ba