| e-texts navigator |
| བོད་ཡིག |
245a1 med lta bu med/ / sgra med thos pa po yang med// dri med snom pa po yang med// ro med myong ba po'ang med// reg med reg pa po yang med// sems med sems las byung ba'ang med// bcom ldan
245a2 'das kyis bka' stsal pa/ / gnyis med gnyis ni rnam spangs pa'i// de nyid lam ni ji bzhin nyon// rtog ge med cing rnam shes med// de bzhin rtog ge bsam mi rtogs// sangs rgyas kun gyi gsang ba ni//
245a3 mkha' lta bur mnyam pa nyid// nyan thos rnams kyis mi shes te// mi shes pa'i mun pas bsgribs// bag chags sad pa'i ye shes gang // rang rgyal rnams kyi sprul pa'o// gsang ba sangs rgyas spyod yul nyid//
245a4 de rnams kun gyis mi shes so// 'khor ba'i rgya mtsho'i 'jigs pa las// rgal bar 'gro ba'i sems kyis ni// lus kyi dbus su bskor ba yi// rgal ba mtshan par gsungs pa ste// rnam shes ye shes
245a5 sems kyis ni/ / mtshan nyid mtshan gzhi mtshon par byed// ye shes kyis ni shes bya ba lta// shes bya rnams kyi 'gro ba brtag/ 'gro ba brtag pa'i sems kyis ni// ji ltar rang 'dod la sogs 'gro// 'gro bar
245a6 sngon ni skye ba ni/ / stong phrag du ma dag tu 'gro// yo gas sngar gsungs mtshan nyid kyi// mtshan nyid stong par bsams nas ni// lus kyi stong pa'i zhing sogs la// blo dang ldan pas sa bon gang ba// rtsa yi mdzes/
245a7 spyi las byung ba// de ni rdul bral rab tu grags// dag pa'i shel gyi 'od dang mnyam// byang chub sems ni 'od gsal ba// ye shes lnga yi dngos de nyid// yungs dkar gyis ni sgrom pra tsam// de yi nang du gnas
245a8 ba'i lha/ / mi gsal gsal ba'i rang bzhin can// ma mo byed pa mchog tu phra// thig le'i gzugs kyi yid kyi dngos// snying gi dbus su rtag gnas shing // 'od zer ldan zhing gzi brjid che// bcu gnyis
iiif viewer powered by OpenSeadragon
Texts on this page
Q26 - yang dag par sbyor ba zhes bya ba'i rgyud chen po