| e-texts navigator |
| བོད་ཡིག |
172a1 gcig tsam rab bstan par// lhar bcas 'gro ba'i nang nas nus ma mchis// yon tan mtsho las yon tan thigs blangs te/ de ltar bdag gis mdor bsdus nung bzang bshad// bdag gi bsod nams gang //
172a2 bsngags de yis ni// sems can de dag byang chub mchog reg shog/ gser 'od dam pa mdo sde'i dbang po'i rgyal po las// byang chub sems dpa' thams cad kyis bstod pa'i le'u zhes bya ste/ nyi shu rtsa bdun pa'o//
172a3 de nas byang chub sems dpa' mdzes pa'i tog stan las langs te// bla kos phrag pa gcig tu gzar nas// pus mo g.yas pa'i lha nga sa la btsugs te// bcom ldan 'das ga la ba de logs
172a4 su thal mo sbyar ba brgyad nas// tshigs su bcad pa 'di dag gis mngon par bstod do// thub dbang khyod ni bsod nams brgya pa'i mtshan dpal stong mdzes pa'i yon tan rnams kyis brgyad// kha dog
172a5 chen mchog tu zhi ba ston// nyi ma stong ltar 'od ni rnam par 'phro 'od gzer du ma 'bar bas 'od kyis khyab kha dog sna tshogs gang / bas rin chen 'dra// sngon po dkar po gser 'od bye dUr+ya// zangs
172a6 dang skya reng shel gyi 'od lta bus// rdo rje ri dbang ri rab thal mdzad cing // zhing rnams bye ba tu mang snang mdzad de// sdug bsngal myi bzang drag po zhi bar mdzad// bde ba mchog gis sems can tshim
172a7 bar mdzad// mdog dang dbang po gsal bag blta na mdzes// gzugs bltas myi ngoms skye bos blta na dka'// rma bya'i mdog 'dra'i dbu sma rnam par mdzes// bung ba mang pos gang ba'i 'od dang 'dra// thugs
172a8 rje rnam dag yon tan rnams kyis brgyan// ting 'dzin byams pa bsod nams dam pa brtsegs// dpa' byad bzang dang kha dog sna tshogs ldan// tang nge 'dzin byang chub yan lag yon tan brgyan// khyod ni rab tu tshim
172a9 mdzad pan pa mdzad// bde mdzad bde ba kun gyi 'byung gnas 'byung // yon tan zab mo sna tshogs rnams kyis brgyan// zhing rnams bye ba dag tu lha de ste// mye'i 'od ltar 'od gzer rnams kyis mdzes// ci ltar ni
iiif viewer powered by OpenSeadragon
Texts on this page
Ng19.1 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo