| e-texts navigator |
| བོད་ཡིག |
94b1 'di thos nas bud myed kyi rang bzhin la ma chags pa'i sems skyed par bya ste/ skyes pa'i rang bzhin du 'gyur bar sems bskyed par bya'o// ci'i phyir zhe na/ mdo 'di na skyes pa'i rang bzhin de bzhin gshegs pa'i/
94b2 snying po yang dag par stond pa yin pa'i phyir ro// skyes pa'i rang bzhin ni mya zhes bya'o// de bzhin gshegs pa'i rang bzhin ni skyes pa'o// 'jig rten na skyes pa yod pa gang yin pa de dag kyang bdag nyid la de bzhin
94b3 gshegs pa'i snying po yod par myi shes pa'i phyir/ skyes pa'i rang bzhin ma yin no// de bzhin gshegs pa'i snying po myi zhes pa gang yin pa de dag ni bud myed yin no zhes zer ro// de bzhin gshegs pa'i
94b4 snying po bdag la yod do snyam du yang dag par shes pa gang yin pa de dag ni/ skyes pa'i mchog tu rtogs te/ bud myed yin du zin kyang / skyes pa'i mchog tu gtogs pa'o// de ltar na yongs su mya ngan las
94b5 'das pa chen po'i mdo chen po 'di ni/ de bzhin gshegs pa'i snying po stond pa'i phyir/ dpag tu myed pa yin no// rigs kyi bu 'am/ rigs kyi bu mo mdo sde'i gnas 'di myur du rtog
94b6 par 'dod pas ni/ de bzhin gshegs pa'i snying po la ba 'on par bya'o// gsol pa/ bcom ldan 'das de ni de lags so/ bcom ldan 'das de ni de lags te/ bdag kyang deng
94b7 de bzhin gshegs pa'i snying po bsgom pa'i slad du/ skyes pa'i rang bzhin la zhugs lags so// mngon par phye lags so// brda mjal bar bgyid lags so// bka' saHlad pa/ rigs kyi bu legs
94b8 so legs so// 'jig rten dang 'thun par byed pas ni de ltar blta bar bya'o// gsold pa/ bcom ldan 'das 'jig rten dang mthun par ma lags so// bka' saHlad pa/ rigs kyi bu legs so//
94b9 legs so// de ltar bur ba shing gi me tog za ba bzhin du zam mo'i chos kyi zas bza' bar bya'o// rigs kyi bu gzhan yang dper na/ sbrang bu gcin nyung ces pas sa chen po ngoms par myi 'gyur ba de
iiif viewer powered by OpenSeadragon
Texts on this page
Ng17.5 - 'phags pa yongs su mya ngan las 'das pa chen po theg pa chen po'i mdo