rKTs

e-texts navigator

Page

8b₁ 'bar ba zhes bya ba man chad ni rang gi lhag pa'i bsam pa zhes bya ba'i sna grangs so// gzhan gi lhag pa'i bsam pa zhes bya ba ni/ bcom ldan 'das chos stond cing bzhugs pa na/ bud myed gzhon nu gsar du byung ba la la zhig/
8b₂ bcom ldan 'das kyi thad du song nas/ phyogs gcig tu 'dug ste sems shing 'dug go// de nas bcom ldan 'das kyis de'i tshe bsam pa thugs su chud nas chos stond par mdzad de/ dper na bud myed bu la byams pa'i thabs mkhas
8b₃ pas ji tsam du 'jug nus pa'i drod shes nas/ rang gi 'dzub mo'i tor zos bdag gi bu chu du mar ldag du bcug pa bzhin no zhes gsungs so// de nas bud myed des 'di skad ces gsol da to// kye bcom ldan 'das kyis ni bdag
8b₄ gi sems kyi rtog pa thugs su chud nas/ lhag chad myed par bka' sa lad te/ bdag slob du stsas pa kho na bzhin lags// bcom ldan 'a das bdag gis deng byis pa la 'dzub mo'i thor tos chab mar kas lang
8b₅ pa drags par gyurd te/ des na 'di ma zhu bar gyur pa lags so// bcom ldan 'das mi lags/ bdag gi khye'u 'di tshe ring bar 'gyur/ ram/ 'o nad te zung bar 'gyur ram/ bcom ldan 'das de bzhin
8b₆ gshegs pas bstan du gsol/ bka' stsal pa/ khyod ni bu ni bde ba dang ldan zhing tshe ring bar 'gyur ro// de nas bud myed de mgu bar gyur nga nas// gsol pa khyod ki bden pa'i tshig gis
8b₇ bdag shi na tu mgu lags so// de ltar de bzhin gshegs pa ni gdul bar bya ba'i dbang la gzigs shing / 'ju ba dang mi 'ju ba'i nyams stobs dang / sbyar nas/ chos thams cad bdag myed pa dang / sdug bsngal bar
8b₈ ston par mdzad do// gal te bcom ldan 'das kyis stobs che chung dang ma sbyar bar sems can rnams la rtag pa'i gsang ba bstan du lags na/ chab mar ma zhu ba dang 'dra bar sems can rnams chab 'tshal bar 'gyur lags
8b₉ so// bka' stsal pa/ che zhe legs so// legs so// rigs gi bu mos ni de ltar bya dgos so// che ge gzhan kang gi tshe/ khyod bu gom pa 'dor nus par gyurd pa de'i tshe/ kha zas snum pa kang dang gang byin pa de dang

_{iiif viewer powered by OpenSeadragon}

8a - 9a

Texts on this page