rKTs

e-texts navigator

Page

52a₁ bla mar gyurd pa'i nyes pa yod ces bya ba'am myed ces bya zhe na/ khams yod du zin kyang sbyin pa dang tshul khrims dang shes rab dang / chos dang ldan pa rnams la yod par zad do zhes brjod par bya'o//
52a₂ gzhan yang dge slong rab tu byung nas sems par byed de// ke ma bdag sangs rgyas su 'gyur ram myi 'gyur snyam pa'am/ bdag gis ni sangs rgyas nyid thob par 'gyur bar mngon no snyam du sems na/ 'bras bu
52a₃ ma thob tu zin kyang bsod nams mang po 'phel bar 'gyur ro// gal te lha yin na dge slong thams cad kyang myi'i chos las bla mar 'gyur ro// de ci'i phyir zhe na/ ngas bskal pa bye ba phrag brgyad cu'i bar du
52a₄ rung ba ma yin pa'i dngos po yongs su 'dzin pa spangs te/ cho ga she sa pa dang yo byad bsnyungs pa'i mchog la gnas nas/ de bzhin gshegs pa'i snying po yod par bsgoms te/ mngon par rdzogs par sangs rgyas
52a₅ nas chos kyi phung po 'bum stond pa'i sangs rgyas bcom ldan/ 'das snying rje chen po dang ldan par gyur pa'i phyir ro zhes zer ba de/ lta bu ni/ de bzhin gshegs pa dgra bcom pa yang dag par rdzo/
52a₆ pa'i sangs rgyas kyis gsungs pa'i mdo sde dang 'dul ba yin bI rig par bya'o// bdud kyis smras pa'i mdo sde dang 'dul ba tshad ma ra byed pa'i sems can gang yin pa de dag ni/ bdud dang 'thun
52a₇ par byed pa yin par rig par bya'o// sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni/ byang chub sems dpa' yin pa rig pa bya'o// pham pa bzhi yang myed dge' 'dun gi
52a₈ lhag ma bcu gsum yang myed ma nges pa gnyis kyang myed/ spang ba'i ltung bar byed pa sum cu yang myed/ sung byed 'ba' shig pa dgu bcu pa gcig kyang myed// so sor bshags par bya ba bzhi yang myed//
52a₉ bslab par bya ba mdo pa yang myed/ rtsod pa bzhi par bya ba'i chos bdun yang myed/ nyes bya ba rnams kyang myed/ nyes pa sbom po rnams kyang mtshams myed pa dang 'dod chen pa yang myed de// sngar smos pa'i

_{iiif viewer powered by OpenSeadragon}

51b - 52b

Texts on this page