rKTs

e-texts navigator

Page

12a₁ byung ba dag kyang yod/ rtsod pa zhi bar bya ba bdun gi nges pa byung ba dag kyang yod/ rtag du bslab pa thams cad las 'gal bar byed pa dag kyang yod/ mtshams myed pa byed pa dag kyang yod// mdo sde spong ba dag kyang
12a₂ yod/ 'dod chen po'i mthar thug pa'i rgyu'i mtshan nyid rdzogs pa dag kyang yod de/ 'di ni dge slong sdig pa'i las byed pa chos thams cad las thal ba de dag/ gzhan dag gis bskul na yang bdag nyid mkhas pa yin par mngon
12a₃ ba'i nga rgyal byed cing chags par myi byed de/ gsor rung ba yang gsang ste/ kasar mya rung ba yang gsang ste/ gsor myi rung bar byed pa dag kyang yod/ kha cig ni rus sAl ki lus bzhin du skyed pa yang yod de/ de ltar bdag
12a₄ gi nges par yun ring du bcabs pas/ nyes pa 'byung zhing sdig pa ba sogs par 'gyur bas na/ de'i phyir de bzhin gshegs pa thams cad ma khyend pa yin pas/ sdig pa can rnams la gnas re re nas 'dri bar
12a₅ mdzad de/ thog ma kho nar gcig btsas pa na/ bslab pa'i gzhi thams cad cig rtswa 'tshal bar myi mdzad do// gsold pa/ de ba/ shin gshegs pas mkhyend bzhin du de dag mnar myed pa shind tu
12a₆ 'jigs pa'i sar btang bar mdzad dam ci lags// dper gso ya na/ 'dron po dag cig shul du zhugs te/ shul drang po 'chal ba las des shul cig ni logs shig tu mchi ba lags la/ de
12a₇ dag gis kyang shol bor te/ log par zhugs shing ma rungs par gyur kyang / bdag cag ni shul log par zhugs so snyam du ma tshor na/ 'di ni shul bzang po lags so snyam du 'dzind cing dol pas rgyu ba'i 'dron po
12a₈ yang ma mthong ba de bzhin du/ chos la rmongs pa'i sems can dam pa'i chos kyi de kho na nyid ma mthong ba rnams la/ bcom ldan 'das gis log ma kho nar shus bstan 'tshal ba las/ sngar nongs pa rngams che chungs
12a₉ ma bstand pas/ dge slong rnams nyes pa rnams kyi nang du ltung bar 'gyur na/ 'di ltar bcom ldan 'das bden pa'i 'dron po bden pa'i lam gi khyad par yang dag par gzigs pa/ chos gi lam gi yon tan gi/

_{iiif viewer powered by OpenSeadragon}

11b - 12b

Texts on this page