rKTs

e-texts navigator

Page

70b₁ bcom ldan 'das chos kyi rnam grangs bstand pa 'di ni// / a la la sman pa'i rgyal po chen po lags so// tha na dud 'gro'i skye gnas su skyes pa yang rung ste/ gang dag ni rna lam du chos kyi rnam grangs 'di grags par gyur
70b₂ pa de dag mi dge ba'i rtsa ba chen po'i tshogs bsags pa ste/ sems can las khyad par du 'phags pa lags sangs rgyas thams cad la lta ba dang ldan pa lags// skye bo mang po la lhag par bgyi ba bgyis pa lags
70b₃ dge ba'i rtsa ba bskrun pa lags so// de dag las kyi sgrib pa de yongs su dag nas/ dud 'gro'i yul de las yongs su thar te myi'i lus thob par 'gyur zhing / thos nas kyang tshe rabs snga ma dran te/ de bzhin gshegs pa'i bstan
70b₄ ba la dad pa rnyed nas/ sangs rgyas kyi zhing gang dang gang du skye ba 'tshal ba de dang der skye bar 'gyur na/ myir gyur nas thos pa rnams lta smos kyang ci 'tshal/ bcom ldan 'das chos kyi rnam grangs 'di thos pa 'di/ de ltar
70b₅ sems can rnams don chen po lags so// bcom ldan 'das gang dag chos kyi rnam grangs 'di thos pa'i sems can de dag ni/ bla na myed pa yang dag par rdzogs pa'i byang chub la nges pa'i tshogs la
70b₆ gnas par 'gyur ba lags te// btsun pa bcom ldan 'das de ngag ni de bzhin gshegs pa dgra bcom pa yang dag par rdzogs pa'i sangs rgyas rnams kyis yongs su bzung bas myur du bla na myed pa
70b₇ yang dag par rdzogs pa'i byang chub mngon par rdzogs par 'tshang rgya bar 'gyur lags so// bcom ldan 'das kyis bka' stsal dpa/ byams pa legs so legs so// byams pa khyod kyis ji skad smras pa de ni
70b₈ de bzhin no// de bden no// de ni de kho na'o// de ni ma nor ba'o// gang dag chos kyi rnam grangs 'di the tsom dang bcas pas thos pa'i sems can de dag kyang dge ba'i rtsa ba chu du dang ldan pa ma yin na/ gang dag bcom myed pa/
70b₉ nyan pa dang / 'dzind pa dang / 'chang ba dang / klog pa dang / kun chub par byed pa dang / rgya cher yang dag par stond pa lta smos kyang ci bgos/ mdo sde 'dzind pa de lta bu dag la bdud kyi las 'byung bar myi 'gyur ro//

_{iiif viewer powered by OpenSeadragon}

70a - 71a

Texts on this page