rKTs

e-texts navigator

Page

16b₁ dpag tu myed pa/ bde ba la yang dag par gzhol la dpag tu myed pa dag ste/ de dag ni tshul khrims la 'jug pa dang / ting nge 'dzinang dang / shes rab dang / rnam par grol ba dang / rnam par grol ba'i ye shes mthong ba
16b₂ la 'jug pa dang / so so yang dag par rig pa la 'jug pa dang / le nad pa myed par zag papa' zad par 'gyur ba dag go// bzhi gang gzhen/ sha ri kyi 'di ga ste/ de bzhin gshegs dgra bcom pa yang dag par rdzogs
16b₃ pa'i sangs rgyas kyi/ tshul khrims gi pha rol tu phyind pa brnyes pas bsam gtan par gyur pa/ shes rab kyi pha rol tu phyind pa skyes pas shes rab dpag tu myed pa dang ldan pa/ shes rab yangs pa dang ldan pa/ nges par
16b₄ 'byed pa'i shes rab dang ldan pa/ ji lta bzhin gi shes rab dang ldan pa/ grangs myed pa'i shes rab dang ldan pa/ rnam par nges pa'i shes rab dang ldan pa/ rnam par nges pa gzigs pa/ mchog tu rnam par
16b₅ grol zhing shi nad tu rnam par grol ba'i thugs dang ldan pa/ g.yo pa myed pa'i thugs dang ldan pa/ 'khrug pa myed pa'i thugs dang / ldan pa/ 'phrin las legs par mdzad pa'i thugs dang ldan
16b₆ pa dang / sha ri'i bu de bzhin gshegs pa dgra bcom pa yang dag par rdzogs pa'i sangs rgyas ni myi dge' ba'i chos thams cad spangs pa/ de dge ba'i chos thams cad dang ldan pa spyod pa phun gsum
16b₇ tshogs pa/ yid la mdzad pa dang ma bral ba/ bden pa stond pa/ bden pa gzigs pa/ snang bar gyur pa/ dpag tu myed pa/ tshogs dpag tu myed pa/ bi lad kyis gnon pa/ zil gyis myi non pa'i
16b₈ tshul khrims dang / ting nge 'dzind dang / shes rab dang / rnam par grol ba dang / rnam par grol ba'i ye shes gzigs pa'i stobs bskyed pa brnyes pa// stobs bcu'i stobs bskyed pa brnyes pa/ myi 'jigs
16b₉ pa'i stobs bskyed pa brnyes pa/ sangs rgyas kyi chos gi stobs bskyed pa brnyes pa/ byams pa chen po dang / snying rje chen po'i stobs bskyed pa brnyes pa/ so so yang dag par rig pa'i stobs bskyed pa brnyes pa/

_{iiif viewer powered by OpenSeadragon}

16a - 17a

Texts on this page