rKTs

e-texts navigator

Page

88b₁ bsngal yongs su myi shes pas na/ lam gyi bar du myi bsgom pa'o// smras pa 'jam dpal ji ltar na lam la bsgom pa yin/ smras pa/ bsgom pa na ji ltar dngos por yang myi ltar dngos po myed par yang myi ltung zhing
88b₂ chos gang yang dngos por yang myi byed/ dngos po myed par yang myi byed de// tshangs pa gnyis dang bral ba ni lam mo// lam gang gis btsal bas chos thams cad myi dmyigs pa 'di ni lam mo// lam gang du yang phra
88b₃ par yang myi byed/ 'dor bar yang myi byed cing / 'khor ba yang myed/ mya ngan las 'das pa yang myed pa'o// de ci'i phyir zhe na/ phrad par byed pa yang myed/ 'dor ba yang myed pa ni/ 'phags pa rnams kyi lam mo//
88b₄ de nas bram ze shing sa la chen po lta bu'i mnyam par gan pa zhes bya bas 'jam dpal gzhon dur gyur pa la 'di skad ces smras so// 'jam dpal ji ltar na dge bsnyen sangs rgyas la// skyabs su song ba yim/
88b₅ ji ltar na chos la skyabs su song ba yin/ ji ltar na dge 'dun la/ skyabs su song ba yin// smras pa// rigs kyi bu nam dge bsnyen/ blta ba gnyis nye bar myi len pa ste/ gnyis gang zhe na/ bdag tu
88b₆ blta ba myi lend/ pha rol tu lta ba myi len/ bdag tu lta ba myi len/ sangs rgyas su blta ba myi len/ bdag tu blta ba myi len/ chos su blta ba myi len/ bdag tu lta ba myi len/ dge 'dun du lta ba myi len/ de tsam
88b₇ byis dge bsnyen sangs rgyas dang / chos dang dge 'dun la skyabs su song ba yin no// gzhan yang rigs kyi bu dam dge bsnyen de bzhin gshegs pa gzugs su khas myi len/ tshor bar ma yin// 'du shes su ma yin/
88b₈ 'du byed du ma yin/ de bzhin gshegs pa rnam par shes par yang khas myi len na/ de ltar na sangs rgyas la skyabs su song ba yin no// nam chos gang la yang rnam par myi rtog cing spro myi 'dogs na/ de ltar na chos la skyabs/
88b₉ su song ba yin no// nam dge 'dun 'dus ma byas su yang mos la/ 'dus byas las gud na 'dus ma byas su mos par yang myi byed na/ de ltar na dge 'dun la skyabs su song ba yin no// gzhan yang rigs kyi bu nam

_{iiif viewer powered by OpenSeadragon}

88a - 89a

Texts on this page