rKTs

e-texts navigator

Page

67b₁ dbyings la gtum pa myed pas zhe sdang ni yang dag pa'i mtha'o// chos rnams la rmongs pa myed pa'i phyir/ gti mug ni gti mug myed pa'i mtha'o// 'chi 'pho myed pa dang / skye ba myed po'i tshul gyis 'khor ba yang mya
67b₂ ngan las 'das pa'o// mngon par chags pa'i tshul gyis mya ngan las 'das pa yang 'khor ba'o// tha snyad du 'dogs pa'i lta bas bden pa yang brdzun pa'o// mngon po'i nga rgyal can rnams la ni// brdzun pa yang
67b₃ bden pa'o// zhes de ltar shes so// gzhan yang tshangs pa'i de bzhin gshegs pa ni ldem po ngag gis rnam grangs kyis bdag nyid rtag par smra bar zhal gis bzhes so// bdag nyid kun nas nyon mongs par smra ba
67b₄ dang / chad par smra ba dang / bya ba myed par smra ba dang / log par blta bu dang / ma dad pa dang / byas pa myi gzo' ba dang / tshams gcod pa dang / skyugs pa za ba dang / ko skabs myi phyed par zhal gyis bzhes kyang
67b₅ de bzhin gshegs pa ni bshad pa 'di dag la myi 'byung ba snang ngo po// ldem po dag gang gis seMs can rnams lhag po'i nga rgyal 'dzin da par 'dor bar 'gyur ba'i ldem po ngag de de bzhin gshegs pa
67b₆ stor nga te// de ni de bzhin gshegs pa'i ldem po ngag go// tshangs pa de ltar na de bzhin gshegs pa ldem po dag tu chos stond to// de la byang chub sems dpa'as spyod pa la mkhas par blo spyad par
67b₇ bya'o// de de ltar mthar phyi rad pas bstand pa thams cad la mkhas par 'gyur ro// de sems can rnams la gzugs kyis sku stond pas sangs rgyas 'byung ngo snyam du mos par 'gyur ro// chos kyi skus rab tu phye ba'i
67b₈ phyir de bzhin gshegs pa ma byung ba'o// zhes mos par 'gyur ro// yi ge rnam par rig pa lhur byed pa'i sems can rnams la de bzhin gshegs pas chos bstan to// zhes mos par 'gyur ro// chos nyid brjod du
67b₉ myed par nges par byas nas/ chos bstan pa myed do zhes mos par 'gyur ro// phyi nod ci lo ka las byung ba'i nyon mongs pa yongs su mya ngan las zla ba'i phyir yongs su mya ngan las 'das pa yod do zhes mos par/

_{iiif viewer powered by OpenSeadragon}

67a - 68a

Texts on this page