rKTs

e-texts navigator

Page

65a₁ par 'gyur ro// de dag chos thams cad la myi gnas pa'i slad du/ rlung dang mtshungs par 'gyur ro// de dag nyon mongs pa'i drim thams cad 'bru ba'i slad du/ chu dang mtshungs par 'gyur ro//
65a₂ de dag rlom sems thams cad yang dag par 'jom pa'i slad du/ mye dang mtshungs par 'gyur ro// de dag skyong myi nus pa'i slad du/ ri rab dang mtshungs par 'gyur ro// de dag lhag pa'i bsam pa brtan zhing
65a₃ myi phyed pa'i slad du// rdo rje ltar sra ba'i 'khor yug ki ri lta bur 'gyur ro// de dag phas kyis rgol ba thams cad kyis gdul bar dka' bar 'gyur ro// de dag nyan thos dang rang sangs rgyas thams cad kyis
65a₄ gting dpag dka' bar 'gyur ro// de dag chos rin po che tham sa cad 'dul ba'i slad du rgya mtsho lta bur 'gyur ro// de dag nyon mongs pa thams cad bas pa'i slad du gting dang 'dra bar 'gyur ro//
65a₅ de dag chos yongs su tshol bas chog myi shes par 'gyur ro// de dag shes rab kyis ngoms par 'gyur ro// de dag chos kyi 'kho/ ra lo rab tu bskor bas/ rgyal po dang mtshungs par 'gyur ro//
65a₆ de dag gzugs 'dzin pa'i slad du/ rgya byin dang mtshungs par 'gyur ro// de dag dbang bsgyur ba'i slad du tshangs pa dang mtshungs par 'gyur ro// de dag chos mngon par sgrog po'i slad du/ sprin dang 'dra bar 'gyur ro//
65a₇ de dag bdud rtsi'i char rab tu 'bebs pa'i slad du char dang 'dra bar 'gyur ro// de dag dbang po dang stobs dang byang chub kyi yan lag rnams rnam par 'phel bar bgyid par 'gyur ro// de dag 'khor ba'i 'dam la rgal
65a₈ bar 'gyur ro// de dag sangs rgyas kyi ye shes la zhugs par 'gyur ro// de dag sangs rgyas kyi byang chub la nye bar 'gyur ro// de dag blos mnyam pa ma mchis par 'gyur ro// de dag thos pas myi mnyam pa dang
65a₉ mnyam par 'gyur ro// de dag gzhal ba sra 'das pa'i slad du/ mtshungs pa ma mchis pa'i slad du/ mtshungs pa ma mchis par 'gyur ro// de dag spobs pas thogs pa ma mchis par 'gyur ro// de dag gzungs

_{iiif viewer powered by OpenSeadragon}

64b - 65b

Texts on this page