rKTs

e-texts navigator

Page

179b₁ so rnams la yang sun 'byin cing gshe bar byed la/ des thos su zin kyang bsngags pa ma yin pa brjod par byed do// dgon po'i bsngags pa ma yin pa yang brjod par byed do// gang la de'i sems mngon par dga'
179b₂ ba'i 'dod pa rnams 'ba' shig gi bsngags pa brjod par byed cing / gang la de'i sems mngon par dga' ba'i bre mo gtam 'ba'o zhig gi bsngags pa brjod par byed la/ dge slong gi gnas gang yang rung ba de dag
179b₃ ki bsngags pa ma yin pa brjod par byed do// gang las de bzhin gshegs pas mdo'i tshig khyim na gnas pa dang / rab tu byung ba rnams dang / 'du 'dzir myi 'gyur bar bya'o zhes gsungs pa'i mdo'i tshig de
179b₄ bor nas/ dge sbyong gi tshul myi 'dod cing / dge sbyong gi dngos po myi 'dod de/ gcig pu 'dug cing / bud myed la chos 'chad par byed la/ gzhan dag la yang de lta bu'i gzhi rnams su lung 'bog par byed do//
179b₅ de ci'i phyir zhe na/ de dag ni de bzhin gshegs pas chos kyi chom rkun por gsungs te/ so sor tha rad pa spangs nas/ gcig pu ra 'dug cing bud myed la chos 'chad pa'i phyir ro// myi blun po
179b₆ de dag ni bcos ma ste/ mgo bregs pas bcos pa dang / gos rur spyigs gyod pas bcos pa'o// rgyu gang gis bcos pa yin par shes par bya zhe na/ sangs rgyas bcom ldan 'das rnams kyis
179b₇ smad pa gang yin pa myi blun po de dag gis gnas par byed de/ lo nyi shu ma lon par bsnyen par rdzogs par byed de/ rang gi lag gis len par byed/ ma brtags pa la longs spyod par byed/ ngang nyid g.yos dang 'tshed
179b₈ pa'i las byed/ gser dang rdul bdag gir byed khre rgod dang 'bru las bstsogs pa gsog par byed/ khyim gyi gzhi dang / zhing gyi gzhi dang / kun dka' ra ba'i gzhi nye tshong byed cing tshal ze 'tsho ba sbyor ba byed cing / khyim gyi gzhi
179b₉ dang / zhing gi gzhi dang / kun dga' ra ba'i gzhi len par byed/ las kyi rnam par sbyin pa la yid myi ches shing / so sor tha rad pa la ma dad nas/ de la gzhol/ de la 'bab/ de la bab/ de bden par 'dzin// de skyong

_{iiif viewer powered by OpenSeadragon}

179a - 180a

Texts on this page