rKTs

e-texts navigator

Page

168b₁ gzhan yang gal te byang chub sems dpa' thos pa la gnas pa'i rnyed pa gcig gcig thams cad mkhyen pa nyid yongs su bsngos pas ni ches yid rangs par 'gyur la/ nor gyi phung po dpag tu myed pas ni/ de lta ma yin pa
168b₂ dang / thams cad mkhyend pa nyid kyi sems kyis ches yid rangs par 'gyur la// stong gsum gi stong chen po'i 'jig rten gi khams rin po che sna bdun gyis yongs su bkang bas ni// de lta ma yin pa dang / dge ba'i
168b₃ rtsa ba gcig gcig sems kyis byang chub tu yongs su bsngos pa/ byang chub tu myigs pa/ sems can thams cad la phan pa dang / bde ba'i phyir yongs su bsngos pas ni// ches yid rangs par 'gyur la/ rnyed pa dang /
168b₄ bkur sti dang / tshigs su bcad pa thams cad kyis ni yid rangs par myi 'gyur te/ de ltar spyod na byang chub sems dpa' yongs su sbyang ba byas pa yin par rig par bya'o// 'jam dpal gzhan yang byang chub seMs
168b₅ dpas ni sems can yongs su smyin par bya ba'i phyir rtag tu brtson par bya'o// byang chub sems dpa' ni thos pa mang po btsal bar phyir/ mthu rtsal brtan par bya'o// byang chub sems dpa'
168b₆ ni yan lag dang nying lag yongs su btang bas mthu dang ldan par 'gyu ra ro// byang chub sems dpa' ni 'jig rten gi chos rdzas dang du len par spro bar bya'o// byang chub sems dpa'as ni srog gi phyir
168b₇ yang bslab pa yongs su myi btang bas spyod pa la blo dang ldan par bya'o// byang chub sems dpas ni ngan du smra ba'i tshig dang du len pa'i ngang can gyis bzod pa'i spo dang ldan par bya'o// byang chub sems dpas ni sangs rgyas kyi
168b₈ zhing yongs su dag pa yongs su gzung bas le lo myed par bya'o// byang chub sems dpas ni byang chub kyi sems dang myi bral bas rtse gcig tu bya'o// byang chub sems dpas ni pha rol tu phyind pa drug yongs su btsal
168b₉ khas byang chub kyi sems myi brjed par bya'o// byang chub sems dpas ni rang gi don la brtson pa dang ldan pa dang / sems can thams cad yongs su myi btang ba dang / sems can thams cad kyi bskabs dbye ba'i phyir

_{iiif viewer powered by OpenSeadragon}

168a - 169a

Texts on this page